شن الإعلامي خالد الغندور هجوم حاد على عدد كبير من الإعلاميين وأبرزهم أحمد شوبير، بسبب استضافتهم للمستشار مرتضى منصور رئيس نادي الزمالك. وقال "الغندور" خلال برنامجه "اللعبة الحلوة" المذاع على فضائية "LTC": "كنت بدخل المستشار مرتضى كل يوم تقريبًا لأنه كان ممنوع ظهوره على الفضائيات والناس بدأت تدايق من ده وهاجموني المشاهدين والزملاء الإعلاميين". وأضاف "ميدو قال اني بهدد استقرار الزمالك بعد مداخلات رئيس النادي وانتقادي لحازم إمام، وده خلاني اتوقف اني ادخل رئيس النادي معايا، حتى معد مع الكابتن شوبير كان بيشتمني، وبعدها لاقيته هو نفسه بيدخل مرتضى منصور مرتين". وتابع "بتهاجموني ليه طيب، ما المواقع الزمالكاوية نزلت مهاجمة ميدو لمرتضى منصور وفيديو الرد، يعني انا كنت بهد النادي، طب والمواقع اللى كانت بتهاجمني والاعلاميين اللي كانوا بيهاجموني بيستضفوه دلوقتي، ووفي مداخلته مع شوبير قرر اقالة ميدو وده كان سبب هجومه اصلا وغضبه". واستطرد قائلاً "يعني معد شوبير بيشتمني علشان بدخل مرتضى، ويجي شوبير يدخل رئيس النادي معاه، ده مش معناه غير انكوا اكيد بتغيروا مني او عايزين تاخدوا السبق، مرتضى منصور بقى حلو يا شوبير صح". ورد "شوبير" خلال برنامجه "مع شوبير" المذاع على فضائية "صجى البلد"، قائلاً "البعض بيقولي ان في مذيع بيهاجمني، واضح ان المواضيع اللى عنده قليلة فقال يهاجمني، ولمن احنا قررنا منردش على التفاهات والصغائر، وعلشان احنا مش بنتفرج ولا نتابع ياريت متبعتولناش الاخبار دي". فيديو 1.. فيديو 2 ..