دعت حركة مصرنا لتعليق لافتات موحدة على جميع شرفات المنازل بهدف تكوين سلاسل من نوع جديد لمن لا يستطيع النزول في الشارع يوم الجمعة لتكوين سلاسل بشرية. وجاءت دعوة حركة مصرنا على الفيس بوك كالتالي : "يا شباب.. ممكن تتابعوا الرابط ده لأننا بنضيف مكان جديد كل ساعة.. عايزين نوصل لأكبر عدد من السلاسل.. عايزين نوصل صوتنا لكل مكان.. عايزين الناس كلها تشارك.. واللي مش هايقدر ينزل.. يعلق اللافتات على بلكونة بيته.. ويقول للبلكونة اللي جنبها.. نعمل سلسلة ثورة بالبلكونات.. والعربيات... أو نعلق اللافتات على أبواب العمارة (من غير ما نشوه منظر البيوت).. عايزين رسالتنا توصل للجميع.. كمان شوية هانبدأ ننزل اللافتات الموحدة اللي هانشيلها كلنا.. مستعدين؟" وتأتي هذه الرسالة عقب دعوة أخرى وجهتها حركة مصرنا للإعلان عن مطلب واحد وهو تسليم السلطة وفق خارطة طريق، وفيما يلي نص الرسالة "بكره يوم مهم لسلاسل الثورة .. عشان عايزين نؤكد على مطلب تسليم السلطة حسب خارطة الطريق المتفق عليها أكثر من 14 مليون مصري .. وعدم الاستمرار في تأجيل فتح باب الترشيح للرئاسة بوعود .. وكمان لأن بكره هو آخر جمعة قبل انعقاد مجلس الشعب القادم وقبل 25 يناير .. يا ريت كلنا نشارك في كل المحافظات اللي فيها الدعوة .. لأن صوتنا لازم يوصل"