صرحت "ياسمين النرش" من خلال صفحتها على الفيس بوك، مطالبة بحقها بالقانون حيث قالت: "أنا كنت قفلت حسابي بعد التطاول والهمجية اللي حصلت من بعض الناس وقررت بعد كده أعمل صفحة عامة علشان أعرف أرد على اللى أساءوا ليا، اللي ما حضرش الوقعة بيقول اللى على مزاجه، وكله كدب". وأكملت: "كلنا نعرف أن أكتر بلد فيها إشاعات هي مصر مين ما صابتهوش نار الإشاعات في الأعراض وفي العمل وفي الحياة الشخصية أنا ليا حق وكله هيبان الصبر وحيات بنتي لأخد حقي وبالقانون". وأضافت ياسمين، الناس إلي مستغربة علشان قلعت قدام الظابط على فكرة مقلعتش علشان عايزة أضربو ولا علشان أنا شوارعية !! قلعت لانو ده اللبس العادي إلي أنا بلبسو. أنا لبسي كدة أنا حياتي كدة، بس مش في القاهرة، حياتي في الغردقة كدة، لأنو هناك ناس متحضرين سواء كانو سياح أو ناس شغالة هناك، ناس مش بتفرق معاهم البنت كانت عريانة أو كانت لابسة، نفسي مصر كلها يكون عندها الحتة دي بس للأسف في بعض الناس في مصر يقولو على إلي لابسة كدة شمال أو عاهرة وشغالة في الدعارة، وأنا عكس كدة خالص. و مش أنتو إلي هتحاسبوني، ربنا هو الوحيد إلي هيحاسبني، والتهمة بتاعت الحشيش متلفقة زي أي تهمة بيحبو يلفقوها لأي حد متغاظيين منووو وأنا ورايا ظهر جامد،ومش هسكت حتى لو هيلفو حبل المشنقة في رقبتي !