في الحقيقة فكرت أكتب مقال عن الأوضاع المتردية في مصر بعد سنة من الانقلاب، أو عن تزوير الانتخابات، أو عن كل الجرايم اللي بتحصل ضد المصريين، أو عن جرايم الابادة الجماعية والاغتصاب اللي بترتكبها إدارة الانقلاب في حق المصريين, لكن لقيت إن مقال واحد لن يكفي كل الجرايم اللي ارتكبت من يوم 3/7 إلى الآن، فقررت أكتب دعوة للنزول في الذكرى الأولى لأكبر نكسة في تاريخ مصر، واتخلى شوية عن اللغة الفصحى، واكتب باللهجة المصرية الدارجة: انزل! انزل عشان الأمن اللي ضيعه الانقلاب انزل عشان انت طالبت بانتخابات مبكرة والعسكر عملوا انقلاب انزل عشان انت نزلت عشان أسعار البنزين والسولار والانقلاب رفع أسعارهم أصلاً انزل عشان مفيش أمن والشرطة بقت فعلا قوات احتلال انزل عشان الانقلاب رفع الدعم عن التموين انزل عشان فيه 14 بنت اغتصبوا في المعتقلات وفيه بنت اغتصبت جوة مدرعة في الشارع انزل عشان منعوا الصلاة على النبي عليه الصلاة والسلام انزل عشان أغلقوا المساجد الكبيرة والزوايا انزل عشان بيحرموا عليك حتى الدعاء على الظالمين انزل عشان قائد الانقلاب بيركب عجلة ب 45 الف جنيه وبيقول للناس تقشفوا انزل عشان مرتبك مش هيكفيك حتى تشحت انزل عشان الكهربا بتقطع اكتر ما بتيجي انزل عشان جابوا عسكري بالإعدادية يحكم مصر بانتخابات مزورة انزل عشان أكبر هاشتاج في التاريخ مش عارف يقول كلمتين على بعض عاوز يحكم بلد في حجم مصر انزل عشان العسكر بيسيطر على 60% من اقتصاد مصر وحضرتك بتشحت انزل عشان وزير الدفاع بياخد مرتب 3 مليون وفيه ناس مش قادرة تلاقي وجبة عشا انزل عشان الشرطة اللي كانت بتهرب بقمصان النوم بعد 25 يناير بتتحرش بالبنات وبتغتصبهم انزل عشان الاراجوزات وعدوك يعالجوا الايدز وفايروس سي بالكفتة ورجعوا في كلامهم انزل عشان الجيش اللي المفروض يحمي الناس بيحمي الطيران الاسرائيلي في ايلات وبيقتل المصريين في الشوارع انزل عشان موضة تفجيرات الخمسينات رجعت تاني انزل عشان منجم دهب السكري اتباع كله وانت بتشحت انزل عشان الانقلاب بيستورد غاز من اسرائيل بعد ما ضيع ثروة مصر من الغاز انزل عشان وفد من المخابرات الحربية اللي المفروض تحميك قابل ظباط مخابرات اسرائيل عشان يسقطوا رئيسك في 2013 ! انزل عشان مصر بتتباع وانت ارخص حاجة فيها انزل عشان مفيش مفيش مفيش انزل عشان آلاف اتقتلوا وحقهم ما جاش انزل عشان محلب بتاع الحزب الوطني رئيس وزارة انزل عشان المصري ما يبقاش عبد في بلده انزل عشان العسكر شوية شوية هيدفعوا المصريين ضريبة الرؤوس انزل عشان الهاشتاج عاوز يعلن مصر اللي المسلمين اكتر من 90% من سكانها, دولة علمانية وانت نازل فيه كذا حاجة مهمة اوي لازم تعرفها : اولاً : لا الجيش ولا الشرطة ولا الاعلام بتاع الانقلاب معاك لكن معاك اللي اكبر منهم رب العالمين نفسه ثانياً : 3/7 مش يوم الحسم ولا نهاية المطاف, لكنه بس البداية لأن الجرايم اللي ارتكبوها تلبسهم كلهم البدلة الحمرا وهما بيدافعوا عن رقبتهم ثالثاً : الانقلاب ساقط وواقع واللي بيؤيدوه قليلين وإلا كانوا دعوا الناس للنزول يوم 306 للاحتفال, الانقلاب محروم من أي دعم شعبي خصوصاً بعد رفع اسعار البنزين والسولار ورفع الدعم عن التموين يعني انت بتنزل والانقلاب في اضعف حالاته رابعاً : النظام دا أوهن وأتفه وأضعف من مجرد علامة رابعة بترفعها بإيدك, وان شاء الله ساقط ساقط لأن الله لا يهدي كيد الخائنين. انزل!