"هو يوم باين من أوله".. بمجرد قراءة هذه الجملة عبر مواقع التواصل الاجتماعي، ابحث عن الهاشتاج ستجده "#يوم_الثلاثاء" أو "#التلات"، اليوم الذي احتل قائمة الأعلى مشاهدة أسبوعيًا، يرجع ذلك لما يعرف عنه ب"يوم طويل أو كئيب"، حسب وصف النشطاء عبر "تويتر". شارك علاء الشربيني في هاشتاج "النهاردة_التلات" قائلا: "هو يوم باين من أوله"، وآخر كتب: "النهاردة التلات لا تكلمنى"، وساخرًا قال فتحي: "يوم عجيب متشعلق فى النص.. المفروض اليوم ده كان يبقى اسمه اليوم اللى فى النص.. مفيش زي الخميس". قالت نور: "ونخاف من النهاردة ليه؟.. هو النهاردة ايه؟.. النهاردة التلات.. لا نخاف"، فيما قال مصطفى إسماعيل: "كنت ناسي أصلا إن النهاردة التلات الهاشتاج فكرني"، كما تساءل آخر: "مش عارفه ليه الناس بتعامل يوم التلات ده على إنه جوز أمهم". وأعرب عبدالرحمن عن تذمره من يوم الثلاثاء، قائلا: "اليوم اللى ملوش لازمه أكتر من النيش"، وقالت دينا واصف: "هو بغباوته وشكله العكر".