عبّر الإعلامي تامر أمين، عن غضبه من الأزهر، بعد دعوة الدكتور احمد الطيب، إلي تجاهل الرسوم المسيئة للرسول الصادرة عن جريدة "شارلي إيبدو" الفرنسية، مشيراً إلى مقام النبي أعظم من أن تنال منه رسوم منفلتة. وقال أمين، خلال برنامجه "من الآخر" المذاع على فضائية "روتانا مصرية" ردًا على بيان الأزهر: "يعني إيه نتجاهل الرسوم؟، أعمل مش واخد بالي يعني؟، أسيب ديني ورسولي وقرآني يُهانوا ويُحقّر من شأنهم واعمل نفسي مش واخد بالي؟ إيه البطحة اللي على راسي عشان أسكت على كدة، اللي بيعمل مش واخد باله ده إمّا جبان أو على رأسه بطحة". وأضاف: "أنا ديني دين محترم، والمسلمين محترمين وأقوياء ويقدروا يدافعوا عن دينهم، وأتمنى أن يُغير الأزهر هذا الخطاب".