طالب الإعلامي عمرو أديب، بسرعة القبض على الإرهابيين منفذي حادث الفرافرة، قائلًا: «اللي بيعتدي على جنودنا يتجاب من قفاه، وعلى الأقل يروح محاكمة عسكرية». وأضاف «أديب» خلال برنامجه «القاهرة اليوم»، على فضائية «اليوم»، مساء الأحد: «محدش يقولي الحكمة وتوخي الصبر وضبط النفس لأ، النهاردة الريس بتاعنا كان على رأس الجنازة شايل مسؤوليته وشايف الجثث قدامه، احنا ماينفعش يتعمل فينا كده، ماينفعش نكمل رد فعل ياريس بقية حياتنا، ماكُنّاش دولة السنين اللي فاتت النهاردة إحنا دولة، مصر الأم ماتضربش ياريس لازم تاخد حقها». وتابع: «أنا مش عايز أعرف مين اللي قتلهم، عايز أعرف حق الناس دول فين، كام عملية ولادنا راحوا فيها، الناس دي من حقها تعرف مين اللي عملها».