بالفيديو.. سما المصري لمرتضى: "لو عندك سيديهات.. فأنا عندي موسوعات"

في فيديو بعنوان حق الرد، ردت الإعلامية سما المصري، على المستشار مرتضى منصور، المرشح المحتمل لرئاسة الجمهورية قائلة: "أنت قلت إني انا كنت أعمل كشغالة عند واحدة اسمها أم أحمد، وكنت بعاكس ابنها وهي طردتني وضربتي.. أنا عاوزة اسألك هو مين اللى اشتكى وقالك أنا ولا أم أحمد يا مرتضى؟".
وأضافت: "أنت بتقول إني أنا ست نحس، وكنت شغالة في مصنع وقفل، واشتغلت مع عكاشة، وقناة الفراعين قفلت"، ولفتت إلى أن مرتضى يدعى أنها زارته في مكتبه لعمل شكوى، وقالت: "طب ليه لما جيتلك المكتب متقفلش هو كمان هو النحس ده عندك ووقف".
وتابعت: "إذا كنت أنا هربت من أهلي زي ما أنت بتقول، فأنت يا مرتضى هربت من الحكومة.. اللى مالوش أهل تبقى الحكومة أهله".
وتهكمت سما على المرشح المحتمل لرئاسة الجمهورية قائلة "إذا كنت أنت عندك سيديهات.. فأنا عندي موسوعات.. واسأل الشيخة سلمى النواف.. لأنها قالتلي على كل حاجة وأكدت أن الشيخ والأمراء كانوا مبسوطين منك أوي في الكويت"، وقاطع أحد الأشخاص بفريق الإعداد سما قائلًا "يا بيه اللى أنت بتطلبه ده عيب وحرام"، فرددت سما "بس يا ولد اتلم واختشي".
وسخرت من قول منصور بأنه يستطيع غلق قناة "فلول"، وأفادت أنه لن يستطيع إغلاق القناة إلا بحكم المحكمة، وتهكمت عليه قائلة "أنا مش شغالة محامية عند واحد حرامي سرق فلوس الغلابة "الريان"، ولا سوابق زيك واتحبست كام سنة عشان أهنت القضاء، ولا بهرب واستخبا عند جوز بنتي عشان بخاف من القانون".
وطالبته بإبعاد "ألاطيشه عنها"، لأن في حالة أن يحدث لها مكروه ستتوجه باتهامه في تلك القضية، وتابعت "إذا كنت انت مرتضى منصور.. فانا سما المصري، وأنا أرجل منك.. ومجريتش أيام الإخوان وهربت زيك يا مرتضى".
وأوضحت سما: "مرتضى منصور لم يستطع أن يجمع عدد التوكيلات المطلوبة للترشح للرئاسة، لذلك جمع بعضا من أنصاره تحت منزله ليهتفوا بعدم استكماله مشوار الانتخابات ليتفرغ لنادي الزمالك".
وطالبت مرتضى منصور بمناظرة على الهواء مباشرةً، وقالت له "عيب عليك لما تطلع مع وائل الإبراشي وتتهمني كدا.. من غير ما تخليني حتى اعمل مكالمة.. أنا لو كنت عملت مداخلة هاتفية كنت هعرفك قيمتك".
وقالت: "انت تروح تتشطر على واحد عنده حاجه خايف منها.. وانا ست مش بخاف من حاجه.. ولو قلت أن انا كنت شغاله خدامه فأحب اعرفك أن شغلة الخدامين مش عيب.. وانا لو كنت اشتغلت خدامه كنت هقول لأن كل واحد خدام اكل عيشه".
وتابعت: "نسيت اقولك يا مرتضى انا مشتغلتش عند أم أحمد.. بس إشتغلت عند واحده تانيه انت تعرفها"، ودخلت سما في وصلت رقص على أنغام أغنية "عند امه.. ياض يا ابن امك ياض".