انت حبيبى انا رد على وقول . كلمات ترددها الفتاة فى بداية التعارف ذى ما " وائل كفورى " بيغنيها ، والجمله الجميله دى بتكون ف أول الخطوبه ، وشهر العسل ، وبداية النشوة الشبابيه ، وانت بابا وانت ماما ، وانت انور وجدى ، وبعد شهرين تلاته انت ابن ...... وينقلب الحال إلى الشباشب والصراخ . أنا باشكر ربنا ؟ كلمه بتقولها فى البدايه باشكر ربنا اللى عطانى حما ذى حماتى ، لأنها أنجبتك ليا ياحبيبى ، وعشان كده حاحبها طول عمرى ، ولما كانت الطبيعة الجينية لدى المرأة والموروثه لها من أمنا حوا ، والتى لم يكن لها أم ؟ فى الأساس فمن الطبيعى أن تكره حماتها ، ولكنه كره مؤجل إلى أن تحصل على ما تريد ، وأن تقع الفاس فى الراس . الفلوس مش كل حاجه ياحبيبى ؟ ميهمنيش أنت معاك إيه ، وهاتجبلى إيه ، دانا أأضيها معاك بجبنه وزيتون وتعشينى بطاطا ياحبيبى ، والصناره تغمز ، وتروح لأهلها للتعارف يقولوا : إحنا بنشترى راجل مش فلوس فلوس إيه ؟ وأول ما يجى الجد للأتفاق تشوف العكس ، وانت حاتجيب إيه ، وشقه فين ، وكام أوضه ، والفرح فين ، والدنيا تبقى ضلمه . ولا يهمك ياحبيبى إن مكنش النهارده يبقى بكره ؟ تتظاهر المرأة بعدم غضبها من الزوج الذى فشل فى مهمته الذكورية ، وتحاول أن أن ترفه عنه ببرود . كأنه لايعنيها وتقوله : معلش ياحبيبى إن ما كنش النهارده يبقى بكره ، وفى الحقيقه هيه عارفه إنها بتكذب لأنها فى سرها بتقول : مقدرتش يامنيل تجيب حبة فياجرا معاك قبل ما تيجى .. مع الإعتذار للمرأة ؟ لأنه مع كل ده هيه أجمل حاجه فى حايتنا لاكنها الحقيقة الساخره ! نقلا عن مصراوي
