بالتحديد مكسرات

* مبروك لفريق المنصورة المكافح والنادي الشعبي العريق 1936 قطعه لنصف الطريق ونصف تذكرة الصعود للدوري العام الممتاز الموسم القادم بعد انتصاره علي أسوان ممثل الصعيد.. وأقول للواء ابراهيم مجاهد رئيس النادي وياسر الكناني المدير الفني ليس مهما الفوز علي أسوان.. المهم نتيجة لقاء الترسانة الأربعاء القادم.. وبيني وبينكم العمرة أحلي مكافأة وأحلي من الصعود.. مش كده ولا إيه.
* فوز الأهلي علي المولودية الجزائري انعش آماله في تجاوز هزيمة الترجي وتعادل الوداد.. المهم تكرار الفوز في الجزائر لتأكيد الحظوظ مش كده ولا إيه.. وبعدين فيه سؤال لو سمحتولي أسأله للمستر جوزيه بسرعة كده لعب جونيور البرازيلي.. امال فين وليد سليمان والسيد حمدي ومحمد فضل ودومينيك.. يا بخت من كان الوكيل ابنه.. يا عيني علي اللعب.. سلمولي علي الواسطة.
* ماذا يفعل حسين ياسر المحمدي.. بصراحة ده مش احتراف.. ده الانحراف بعينه والاغتراف.. وليس لعب وفن وهندسة.. ايه اللي بيحصل ده يا كابتن حسين.. تقدر تقولي ده اسمه ايه.. يا سبحان الله اللاعب عايز ايه أكثر من كده.. يا جماعة احمدوا ربنا.. صحيح.. تذكر يا ابن آدم.. ولئن شكرتم لأزيدنكم.. لكن ح نقول لمين.
* عليه العوض ومنه العوض في المصارعة المصرية لا أعرف ماذا يدور في اتحاد لم يبق في مجلسه سوي 3 والعضوة تراجعت عن الاستقالة.. ليه ما اعرفش.. بصراحة اسمحولي أوجه لهم هتاف الجماهير.. قاعدين ليه ما تقوموا تروحوا بصراحة مش عارف آخرتها إيه.. الحقونا.. قبل ما نضيع من لندن .2012
* ألف مليون مبروك انتصارات منتخب مصر للناشئين لكرة اليد في بطولة العالم بالأرجنتين بعد الفوز علي البرازيل وقطر وعقبال فرنسا تتصدر المجموعة.. مبروك لهادي فهمي رئيس الاتحاد بعد منتخب الشباب.
* بدأت تتضح الصورة في الاسماعيلي بعد تحرك المهندس يحيي الكومي الذي اعتبره مسمار الدراويش.. أتمني أن يعود الاسماعيلي منافسا قويا علي اللقب.
* يا تري بقاء كامل أبو علي والتجديد له هل تستقر الأمور في المصري.. ثم لماذا لو تمت الانتخابات لا يرشح أبو علي نفسه ويفوز ويستمر لأربع سنوات بدلا من التجديد له ومشاكله.
* الدكتور عفت السادات.. مبروك مقدما فوزك برئاسة سيد البلد الاتحاد السكندري.. شد حيلك ورجع لنا الاتحاد بعبع الأهلي والزمالك في زمن الأقوياء فقط.
* اختبارات الحكام علي الأبواب.. وهناك لجنة متابعة من الفيفا.. مش ناقصين فضايح.. ياريت يستعدوا من أول اختبار بدلا من الملاحق.. كفاية فضايح وياريت الشباب يأخذوا فرصة.. يا رئيس لجنة الحكام.