سخرت د.لميس جابر عضو مجلس النواب أثناء الجلسة من آراء ومواقف عدد من الإعلاميين والسياسيين ونشطاء الفيس بوك وتعاملهم مع القضايا الكبري في مصر وطرحت النائبة رأيها من خلال مشهد يفترض وجود برامج التوك شو والفيس بوك أثناء حرب أكتوبر 1973 وطرحت لميس آراء مفترضة لبعض الشخصيات في هذه الحالة. الفيس بوك في زمن حرب .73 - أنا مش فاهم في حد يبدأ حرب الساعة 2 الظهر ليه مبدأوش من 6 الصبح؟ - يعني ايه السادات ياخد قرار الحرب منفردا لابد من استفتاء شعبي وحوار مجتمعي علي إعلان الحرب. - أنا مش فاهم مين الغبي اللي استخدم مدافع ميه في خط بارليف وعندنا قري مافيهاش ميه. ده إهدار لموارد الدولة. - إبراهيم عيسي: خبراء الحرب في العالم كله بيقولوا ان الطيران مينفعش يبدأ الأول وده ينعكس علي الجهل اللي البلد فيه وفي منظومة التعليم الفاشلة.