كل شوية واحد ينشر ع الفيس صور لفتايات فى الجامعة من ايام الملكية وبداية الثورة والجيبة قصيرة والشعر مكشوف ، ليوضح المفارقة بين اللبس زمان وحال الحجاب والنقاب الآن هؤلاء لم يلاحظوا ان الغالبية العظمى من الشعب المصرى لم تكن متبرجات .. ووقت هذه الصور كانت غالبية السيدات تلبسن ملاية لف وبرقع .. وكانت ومازالت السيدات فى الريف يضعن " طرحة " على الراس ويرتدين فى الخروج جلابية فضفاضة يطلق عليها " قميص ملس " وهى أكثر حشمة من بعض المحجبات الآن ! والى أصحاب هؤلاء الصور والمفارقات الا توجد صور لغالبية سيدات مصر زمان وهن يرتدين الملاية والبرقع والطرحة والقميص الملس ؟ وبصراحة واحد من أصحاب الصور فلقنى وزودها قوى ليوضح المفارقة ، فنشر صورة لبنات على الشاطىء بالمايوهات وقال شوف الفتيات على البحر زمان ، ودلوقتى البنات بتنزل البحر بالجلاليب والعبايات قلت له بصراحة صورة جميلة جدا ومعبرة خالص .. بس يا ترى أمك مين فيهم ؟ راح عمل لى بلوك ! طب بالذمة انا غلطان ؟