هاجمت رولا شقيقة شادي حسين، مراسل برنامج "أبلة فاهيتا" وصاحب فيديو "الواقي الذكري" القائمين على البرنامج لتخليهم عنه مؤكدة أنه هو سبب نجاح البرنامج وكتبت عبر صفحتها على موقع التواصل الاجتماعي "فيس بوك": "كلمتين "لبعض من اسرة برنامج ابلة فاهيتا والشركة المنتجةانتوا عارفين ان شادي كان بيعتبركم من عيلته لما كان بيتكلم عنكم؟اكيد كان قصده على شوية ناس جوة اللي هما فعلا بيسألوا عنه دلوقتي ومتضامنين معاه". واضافت :"انتوا عارفين ان شادي مؤخراً كان شبه مختفي عن أصحابه وأهله عشان شغله معاكم لوقت متأخر ومشاركته بنفسه في كل خطوة في تقريره من الفكرة للمونتاج لحد ما يخرج التقرير في شكله النهائي اللي بيجيب أعلى نسبة مشاهدة على cbc عمتا مش على فقرات البرنامج بس؟،انتوا عارفين ان في ناس ابتدت تتفرج عليكم بس عشان تقارير شادي؟". وتابعت :"فاكرين لما انتوا اللي كلمتوه وعرضتوا عليه يشتغل معاكم لما لقيتوه بيعمل تقارير لوحده وناجح فيها من قبل مايعرفكم؟مش كان عاجبكم خفة دمه؟ كنتم فاكرينه بيضحك الناس وخلاص وهو كان بيوصل فكرة معينه.شادي بتاع الكوميديا السودا اللي بيضحك بس بدموع, شادي اللي عمل قيمة لبرنامج الناس كانت بتستخف بيه حقكم تعلنوا إنكم مش مسؤولين عن اللي بيعمله ولا حتى متضامنين معاه، هو راجل شجاع وقلبه ميت وعنده أحلام فا مش أي حد مطالب يدعمه أو يتضامن معاه". وواصلت :"كنتم هتبقوا محترمين وهنقدركم اكتر لو اكتفيتم بأنكم تقولوا أن الفيديو مش خاص للبرنامج وان دي حاجة شخصية وبس كده،بس لما تيجي منكم انتم إنكم اصلا رافضين آخر فيديو ليه عشان فيه لامؤخذة "اساءات ومحتوى مسئ ينافي الآداب والأخلاقيات العامة ولا يتحلى بالمسؤولية والاحترام"!!بيعتوا الولد علطول كده!" واختتمت :"انتم مدركين أن معظم الناس بتكرهكم واللي كانوا بيحبوكوا انتم خسرتوهم بالبيان ده!وعلى رأي باسم يوسف "اخص على قلة الأصل".