كشفت دعاء مصطفى، مديرة برنامج العدالة الجنائية بالمفوضية المصرية، ومحامية الناشط شريف دياب، مؤسس حركة بداية، والمقبوض عليه حاليًا بتهم تأسيس «جماعة 25 يناير» والدعوة للتظاهر، عن تفاصيل وقائع تعذيب موكلها فى سجن بنها. وأعربت عن شعورها بالقهر والذل والعجز وهى تسمع شريف يشتكى من تعذيبه، وإحساسه بالجوع والبرد والألم. وكتبت محامية مؤسس حركة بداية، تدوينة على حسابها على موقع التواصل الاجتماعى "فيس بوك": "إحساس بالقهر والذل والعجز، وأنا مش قادرة أساعد شريف وهو عمال يشتكى من الوجع، ويترعش من البرد وبقى زى الخشبة من السقعة، وعمال يقول أنه تقريبا مش بياكل أكله على بعضها وكان جعان جدا". وتابعت: "طلبنا ندخل له أكل، لكن رئيس النيابة قال هشوف"، مضيفة بقولها: "وجعه وهو بيشتكى أنهم قلعوه هدومه كلها أول ما وصل سجن بنها، ونزلوا عليه ضرب بالحزام". وأضافت دعاء متسائلة: "هو عمل أيه لكل ده مش فاهمة، وصوته وهو مش قادر يطلع من كتر التعب، وجسمه اللى بيتنفض من البرد، وهو لابس خفيف أخف من الكستور، وإحنا كلنا لبسين جاكت وبردنين، وهو عمال يوصف إنه نايم على البلاط، وبالعافية جاب بطانية يتغطى وينام بيها فى الحجز الانفرادى اللى برده مش عارفة هو فى الانفرادى ليه؟»، مضيفة: «أسلوبه وهو بيطلب ميرجعش السجن ده تانى ليضربوه، هو فى ذل كده؟ هما عملوه ايه مش فهمه؟ والتهمة تنظيم 25 يناير بس كده". يذكر أن نيابة أمن الدولة العليا قد قررت، أمس الاثنين، حبس شريف دياب والصحفى محمود السقا ومحمد فياض وسيد فتح الله وخالد الأنصارى، 15 يومًا على ذمة التحقيقات، بتهمة الدعوة للتظاهر والانضمام لجماعة محظورة "حركة 25 يناير".
