هاجم المحامى سمير صبري، الفنانة الاستعراضية “سما المصري”، خلال استضافتهما فى برنامج “العاشرة مساءً، المذاع على قناة “دريم”، بسبب تقديمها لأوراق ترشحها للانتخابات البرلمانية. وهاجم صبرى خلال الحلقة: أنا ابن الجمالية لمدة 56 سنة، أصابنى الهلع لما عرفت إن سما المصرى مرشحة نفسها فى الدائرة، وأسف وأنا بقول سما المصري، مش عارف أوصفها بإيه، وبعدين أنتى مين يعرفك فى الجمالية، اللى يعرفك بيشوف الشبشب، أنا عايز أفهم برنامجك. واستكمل صبرى: اللى بيحبوا كليباتك بس هما اللى هيدوكى صوتهم، البرلمان مش هيبقى الراقصة والطبال، وورق الطبال تم استبعاده اليوم. فى إشارة لأحمد عز. ونشبت مشادة كلامية حادة بين المحامى سمير صبري، وسما المصرى قائلاً: هتقدميلنا إيه فى البرلمان؟ أضربنى بالشبشب؟ وردت المصرى: يا عم سبنى أتكلم، ده أنت غريب أوي، متتكلمش معايا بالطريقة دي، مبيكلش معايا الجو ده، مسمحلكش تتكلم فى أخلاقي، وإتفرجت ليه عليه لما أنت شايفنى كدة، أنا مطربة مش راقصة، أنا عضوة فى نقابة موسيقيين وتقدر تتأكد. ورد صبرى: “إتفرجت عليكى عشان أبلغ عنك، ولكنى لا أعترف بيكى كفنانة أو مطربة”، وردت سما: “أنا مش معترفة بيك كمحام، ده أنت مسمينك سمير بلاغات”، ورد صبرى: “ده شرف ليا إنك مش معترفة بيا". وفى مداخلة هاتفية لسيدة تدعى “ولاء” من سكان الجمالية قالت: لو سما المصرى نزلت الجمالية هتطلع مضروبة، ده إحنا بنتعايب دلوقتى وبيتقلنا يا بلد الراقصة". فيما طالبت الصحفية وإحدى سكان حى الجمالية تدعى “شيماء جلهوم”، ترك الحكم للصندوق يختار قائلاً: مفيش ملايكة على الأرض، وكل مرشح له نقطة سوداء.