علق الإعلامي تامر أمين على ترشح الراقصة سما المصري لانتخابات البرلمان واعتزالها للرقص والتمثيل، معبرًا على رفضه لتلك العملية التي وصفها ب"المهزلة". وقال أمين عبر برنامجه "من الآخر" على فضائية "روتانا مصرية": "أنا فرحت لما عرفت إنك ستعتزلي التمثيل والرقص، وقولت بركة يا جامع وكنت بزغرط، بس لما عرفت إنك هتتفرغي للعمل السياسي، لطمت على وشي". وأضاف: "همَّا الناس دول عايزين مننا إيه، يعني سما دي ممكن تبقي عضوة في البرلمان، وينادوا عليها بسيادة النائبة، دي هتطلع ترقصلهم في البرلمان، أبوس أيدك متعتزليش الرقص والشخلعة، اعتزلي البرلمان". وتابع: "أبوس أيدك اتفرغي للرقص أحسن، عودي لأن محبينك من الملايين في الفن والرقص متشوقين، هو فيه حد موصيكي علينا". شاهد الفيديو :