استنكرت نورهان حفظي، زوجة الناشط السياسي أحمد دومة حالة التجاهل واللا مبالاة الذي أصبحت فيها الكيانات الثورية والشخصيات العامة مما يحدث داخل السجون من التعذيب والانتهاكات داخل سجن "العقرب" لبعض القيادات الخاصة بجماعة الإخوان المسلمين. وقالت حفظي في تدوينة عبر صفحتها الشخصية بموقع التواصل الاجتماعي "فيسبوك" الرسائل اللي بتيجي من سجن العقرب مفزعه والأصعب منها حالة التجاهل الغريبة ليها من ناس كتير مننا، بفكر يمكن ده لأنها عن قيادات إخوانية فاقدة مصداقيتها عند ناس كتير؟ أنا واحدة من الناس اللي مبتصدقهمش بسهولة بس برضه مش لاقية مبرر لحالة التجاهل الغريبة دي. وتابعت حفظي: "ده حتى الناس مكلفتش خاطرها تعمل دوشة وتطالب بتصريحات رسمية عن حالة السجن أو تكتب بيانات أو حتى تطالب بزيارة عاجلة للمجلس القومي يقولولنا من خلالها إيه اللي بيحصل ثم إن العقرب مش بس البلتاجي والكتاتني وباقي الشلة العقرب فيه المستشار الخضيري اللي فوق السبعين وممنوع عنه العلاج ودكتور مجدي قرقر اللي حالته بتسوء يوم عن يوم". واختتمت زوجة دومة تدوينتها قائلة "ولا يمكن استحليتوا حالة اللا مبالاة وخلاص, صحيح كلنا تعبانين ومحبطين بس في ناس محتاجلكم وكلامكم بيفرق في شراسة السلطة ضدهم فوقوا".