قالت الراقصة"برديس" من داخل حجز محكمة إمبابة: "أنا متاخدة فى قضية رأى عام مش تحريض على الفسق والرذيلة زى ما بيقولوا، وأنا ماعملتش حاجة عشان أترمى فى الحجز كدة.. أنا فنانة معروفة ومشهورة إزاى يحصلى كدة". وأضافت الراقصة: "الإعلام هو اللى عمل فيا كدة وماتولعوش الدنيا أكتر ما هى والعة عشان أنا مش ناقصة ومش عارفة إيه اللى بيجرالى، ودول شوية محامين اللى عملوا البلاغات عايزين يشتهروا علينا". واستطردت: "والنبى أنا مش عاوزة الموضوع يولع أكتر من كدة وما حدش يجى جنبى أنا تعبانة". أما المطربة شاكيرا فقد ظهرت فى حالة صدمة شديدة مرتدية نظارة شمس وهى فى حالة ذهول تام، رافضة أن تتحدث مع أحد سواء ضباط الشرطة أو غيرهم. وجلست شاكيرا على "أرضية الحجز" دون أن تتفوه بكلمة واحدة وواضعة يدها على "خديها" وظلت الاثنتان فى الحجز طوال الساعة والنصف إلى أن تم ترحيلهما. جاء هذا بعد قرار قاضى المعارضات بمحكمة جنح العجوزة المستشار محمد الحسينى، تجديد حبس الراقصة برديس بطلة كليب "يا واد يا تقيل"، والمطربة المصرية شاكيرا بطلة كليب "الفلفل والكمون"، 15 يومًا على ذمة التحقيق على خلفية اتهامهما بالتحريض على الفسق ونشر الرذيلة وفعل فاضح ونشر فيديو خادش.
