تداول نشطاء على مواقع التواصل الاجتماعي تغريدة محرجة للكاتب الصحفي تامر ابو عرب قالوا أنه كان يدعو فيها للعنف إبان حكم الإخوان برغم أنتقاده الان لما يسمى بعض أخطاء الجماعة او الحوادث التي يشتبه في تورطها فيها . وقال أبو عرب في التغريدة - التي تداولها نشطاء على نطاق واسع - : ثورة دموية او عصيان مدني .. من يريد إسقاط مرسي يختار بين السيناريوهين .. السلمية لن تزحزح هذا النظام هذه المرة فكونوا واقعيين او الزموا بيوتكم . ولم ينفِ ابو عرب التدوينة بل هاجم من يتداولونها متهماً إياهم بعدم فهم سياقها قائلاً: وييجي لطخ من دول يضيع نص يوم في التدوير في الأرشيف عشان يطلع ببوست زي ده ويقول هيييه وجدتها أهو الراجل اللي بيدين القتل والتفجيرات وعامل فيها سلمي بيدعو للقتل والدم ولأنه لطخ ومتعودش يشغل دماغه مقدرش يفهم البوست اللي بيأكد وجهة النظر مش بينفيها الكلام واضح وكان بعد التصريحات بتاعتهم اللي من نوعية الشرعية دونها الرقاب واللي يرش مرسي بالمية نرشه بالدم والكلام السلمي الجميل ده، وبيقول بوضوح إن ازاحة مرسي بطريقين طريق الثورة اللي هتكون دموية لأن الاخوان وحلفائهم مش هيقبلوا بخلع رئيسهم علي طريقة مبارك وهيكون رد فعلهم زي ماشفنا، أو طريق العصيان المدني اللي يشل الدولة لدرجة تجبر مرسي انه يتنحي وبيقول البوست للمصريين ان دول الطريقين، وان الطريق التالت بتاع المسيرات والمظاهرات اللي مرسي يستقيل بعدها والاخوان يقبلوا ونعيش في تبات ونبات مش هيحصل طبعا اللطخ من دول عاوز يثبت لاصحابه إن "انت فاكر ان احنا بس اللي كدة؟ ده احنا كتير" علشان يعملوا له لايكات أكتر ويقولوا الله علي قصف الجبهة بس ده كله مش هيغير حاجة في كونه لطخ "بحسب وصفه"