انتقد الشيخ خالد الجندى، الداعية الإسلامى، تصريحات الإعلامية ريهام سعيد التى قالت فيها :«إن الشيخ لازم يخليه فى الدين بس ومش من حقه أن يعلق على البرامج التانية، الشيخ شاغل نفسه بالبرامج التانية وسايب الدين ومبيحبش أبلة فاهيتا»، قائلا:«أمر عجيب بصراحة الرقصات بقوا ينصحوا الشيوخ يعملوا شغلهم إزاى». وتابع«الجندي»، خلال تقديمه برنامج «نسمات الروح»، المذاع على فضائية «الحياة»، فى رسالة موجهة للإعلامية ريهام سعيد قائلاً: «أنا بعترف بالجن وميش بنكره زى ما انت بتقولى لأن منكره كافر، إحنا بنطلب منك أنك تستمرى كإعلامية تخدمى الوطن والمجتمع، إنما تطلعى وتقولى رأيك فى الدين دة كلام مينفعشى، ونتوسل إليك اتقى الله فينا فى رمضان وبلاش السبوبة بتاعتك دى والدجل والشعوذة إللى على الهواء فى الشهر الكريم». يشار الى أن الإعلامية ريهام سعيد، هاجمت الداعية الإسلامى الدكتور خالد الجندي، قائلة: «الشيخ خالد شاغل نفسه بالبرامج، وسايب الدين، ومبيحبش أبلة فاهيتا». شاهد الفيديو..