سخر الدكتور حازم حسني من توقيع الرئيس عبد الفتاح السيسي لوثيقة سد النهضة بصحبة رئيس الوزراء الاثيوبي والرئيس السوداني . وقال حسني في تدوينة : لحمد لله! ... أخيراً، النيل طلعت له وثيقة! ... الرئيس شافه تايه، وواخد على خاطره مننا، فأمر بمنحه وثيقة!! ... أصله بقى له آلاف السنين عايش وسطنا من غير وثيقة، إنما النهارده، الحمد لله، احنا كنا فين وبقينا فين!! ... اترد له اعتباره، وبقى معاه تحقيق شخصية بتوقيع السيد الرئيس ذات نفسه اللى أمر إن النيل يبقى مقامه محفوظ بعد كل اللى شافه من المهانة وقلة القيمة!! ... بس فيه سؤال محيرنى: يا ترى، يا هل ترى، النيل بعد ما بقى معاه وثيقة مصرية بتحافظ عليه، ح يعمل إيه فى وثيقة السفر الإثيوبية اللى بيدخل بيها مصر؟! "بحسب تساؤلاته" وأضاف: أصل الوثيقة اللى وقعها الرئيس امبارح تبان كده - والله أعلم - إنها وثيقة تاريخية، وتخض بصراحة، لدرجة انهم صوروا الرئيس وهو بيمضيها، زى ما صوروه وهو بيمضى وثيقة قناة السويس "الجديدة" ... حقيقى الواحد كده قلبه ارتاح، وربنا يديم المعروف، ويخلى لنا النيل "ابو وثيقة" "بحسب وصفه"