شنت الإعلامية رانيا بدوي، مقدمة برنامج "القاهرة اليوم"، المذاع عبر فضائية " أوربت " هجوما حادا على محافظ الإسكندرية هاني المسيري بسبب تدخل زوجته في أعمال المحافظة ومشاركتها له الاجتماعات العامة. وقالت بدوي موجهة حديثها للمحافظ: "لا يجب أن تتدخل زوجة محافظ الإسكندرية هاني المسيري في أعمال المحافظ وتشاركه الاجتماعات، فبهذا زوجة المحافظ قد تعدت حدودها، وإذا كانت سيدة كفئًا وهذه حجة حضورها الاجتماعات، فعلى القيادة السياسية تعيينها في منصب المحافظ، ويتم الاستغناء عن المحافظ الحالي". وأضافت: "أنا مش فاهمة إيه اللي سيادة المحافظ بيعمله ده، المفروض إن هو عارف إننا في فترة عصيبة، وفي حرب بتخوضها الدولة، يروح يعمل مارثون رياضي، والبلد مليانة زبالة، الموضوع التاني اللي مستفز مشاعر أهل إسكندرية كلهم، هو اصطحاب المحافظ لمراته في كل مكان، أنا مش فاهمة هى الدولة بقت تكية ولا إيه، ومراته ماشية معاه في كل مكان، علشان بتغير عليه، بشكل يثير الاشمئزاز". وتابعت: "سيادة المحافظ لو مش عارف يحكم مراته، يبقى يستقيل، إحنا مش فاضيين للأمور التافهة دي، ولازم هو يحترم منصبه، ومراته تحترم منصبه، ولو مش عارف تسيطر على مراتك وغيرة مراتك استقيل". شاهد الفيديو