قالت الفنانة إلهام شاهين، إن "قلبها موجوع" وذلك بعد الأحداث الإرهابية في سيناء، وقتل أكثر من 30 جنديًا وضابطا على يد أنصار بيت المقدس. وأضافت "شاهين" في مداخلة هاتفية لبرنامج "حضرة المواطن" على قناة "LTC"، مساء أمس السبت، مع الإعلامي سيد علي: "قلبي موجوع من اللي بيحصل، بنعزي أسر الشهداء وبنقولهم قلوبنا موجوعة زيكم". وأوضحت: "لازم الأمور تبقى واضحة، مين العدو بتاعنا، مش فاهمة أحداث زي دي بتذاع على الهواء إزاي في الجزيرة، يعني الجزيرة عارفه مسبقا اللي بيحصل! مضيفة "عايزين نعرف مين عدونا، عايزين نفهم أعداءنا مين دول، أي واحد يقول كلمة على الجيش تتقطع لسانه". فيما قامت الفنانة إلهام شاهين بمخاطبة الفنان خالد أبو النجا، قائلة: "مش موافقة على كلامك خالص، وبقوله اللي عايز السيسي يسيبنا يريد إنهاءنا والقضاء علينا، إحنا عايزين إيدينا في إيد بعض مع الرجل المخلص لإنقاذ البلد دي".