قال بلال فضل، الكاتب والسيناريست، على مقتل شيماء الصباغ في ميدان طلعت حرب في ذكرى إحياء ثورة 25يناير، "ما أعرفش إحنا رايحين على فين، ولا ما إذا كان كل الظلم ده هيعدي كده من غير تمن في سابقة كونية فريدة". وأضاف، صباح الأحد، عبر صفحته الشخصية على موقع "فيس بوك": "إحنا آسفين يا شيماء.. إحنا آسفين يا سندس، مش عارفين حتى نساوي بينكم في الحزن والغضب والقهر.. كلنا مش عارفين نبقى بني آدمين بحق وحقيق.. متأكد إنكم لو كان عندكم أسباب تخليكوا تحافظوا على حياتكو وتكملوا ما كنتوش اتأخرتوا".
وتابع" القهر بقى أكبر من محاولات السيطرة عليه.. ومتأكد إنكو حتى وسط خوفكم الإنساني الطبيعي من الموت ما كنتوش متوقعين إن في حد ممكن يقتل بنت مسالمة.. سواءا كانت شايلة ورد ولا شايلة إشارة رابعة".
وتابع: "رغم كل الكلام عن الشهادة والوطن والدم.. أنا متأكد إن ما خطرش على بالكو إن في حد هيقتل بنت مسالمة. ما أظنش إن الصدمة هتفوق الناس قريب.. ما أظنش إن ده هيبقى آخر الأثمان المدفوعة".
واختتم: "كل اللي بافكر فيه دلوقتي إن شيماء ممكن تكون بشكل ما في مكان ما بتوري سندس صورة ابنها بلال اللي ما كملش أربع سنين وإنها أكيد أكيد هتبص لسندس وهتقولها "كويس إنك اتقتلتي قبل ما تخلفي، ربنا يصبر أهاليكو وحبايبكو بس مش أكتر".