"معلق أنا على مشانق الصباح وجبهتي بالموت محنية لأنّني لم أحنها.. حيّة!" بتلك الأبيات من قصيدة كلمات سبارتكوس الأخيرة للشاعر أمل دنقل, نعى عدد من النشطاء السياسيين من مختلف الاتجاهات السياسية "زينب مهدي" الناشطة التي توفيت أمس إثر تعرضها لاكتئاب شديد ما أوداها منتحرة. "زينب" التي ودت أن تفارق الحياة دون أن يعرف والداها موتها أو طريقته, عرفت طريقها إلى الموت جموع المصريين الذين لم يؤمنوا يوما سوى بالأمل, لكن شيئًا ما تبدل وتغير, لم تصبح الحياة كما كانوا يظنون ولم يصبح للأمل عنوان سوى "مشانق الصباح". كثيرون لم يعلموا بأي ذنب انتحرت زينب وكيف اختارت الموت ولماذا اختارته؟ لكن تدوينات أصدقائها بعد وفاتها تحمل معاني أخرى، حيث قال "إسلام هجرس" أحد أصدقائها: "الحوار دا من سنة بالظبط.. قالت لي على موضوع الانتحار ده.. ورديت عليها رد جاد بغرض الاحتواء.. بس نسيت بعدها ولا أظن إني اهتميت بشكل فعلي". كل من يعرف زينب وصفها بالغلب، حيث قال الفنان الشاب محمد الصنهاوي: "زينب كانت غلبانة وبسيطة".. وأضاف "الحقيقة وصف غلبانة مش دلالة على ضعف سلبي قد ما هو دلالة على محاولة بحث عن السعادة والرضا والحقيقة بشكل بسيط, لدرجة إنك ممكن تنقل من سكة لسكة لسكة بينهم اختلافات كبيرة.. في وقت بسيط، ساعات ده بيكون شجاعة.. في حين إنه ممكن ياخد من شخص تاني سنوات علشان يعمل مليون حساب.. خاصة في مجتمع زي المجتمع المصري فمش لاقي وصف أدق من غلبانة". في تدوينة أخرى تقول إحدى صديقات زينب: "إن آخر تواصل ليا مع زينب المهدي لما كانت ماسكة ملف البنات المعتقلات !!! أنا مضايقة من نفسي جدااااا جدااااااا", وأردفت "لما لقيتها بتنشر حاجات غريبة ولقيتها قلعت الحجاب وبقا ليها كلام غريب على صفحتها, عارفين عملت إيه, لغيت صداقتي بيها.. أنا عارفة أن ربنا هيحاسني!! وعارفة إني هتحمل جزء من الإثم ده". وتابعت: "طب ليه مش نصحتها يمكن ربنا يجعلني سبب في هدايتها !! طب ليه أصحابها مش تابعوا معاها وخدوا يإيدها... ليييييه !! خلاص ... زينب ماتت .... زينب انتحرت لا تتكاسلوا عن النصيحة أبدا... لعلها تكون معذرة إلى ربكم، "هيا اختفت وإحنا سيبناها.. محدش كان بيسأل عليها" تلك كانت كلمات عمار مطاوع الذي أكد أن زينب كانت تمر بظروف مادية صعبة، وأشار: "حياة زينب كانت متدمرة علي كل الأصعدة.. نفسيا وماديا ومعنويا.. الحلم والمستقبل كان قدامها مقفول من كل ناحية.. فيه حاجات كتير ما ينفعش تتحكي وبتفضل سر مع صاحبها وبتموت معاه.. بعتت ليا ولغيري السيرة الذاتية (السي في) بتاعها كذا مرة عشان نشوف لها أي شغل.. كانت عايشة لوحدها ووراها إيجار ومصاريف شخصية لازم تغطيها.. سألتني في أمور دينية كتير وأنا كنت بأقولها ما أعرفش .. كنت فعلا ما أعرفش.. والله كنت بأروح أسأل علي إجابات لأسئلتها.. بس هما كمان كانوا ما يعرفوش! اشتكت من ردة فعل أصحابها لما خلعت الحجاب.. اشتكت لي من كلمة كافرة اللي اتقالت لها مليون مرة مع كل صورة كانت بتنزلها لنفسها.. كانت بتقول عن حاجات كتير إنها مش مقتنعة بيها.. كانت بتقولي عايزة أقتنع.. مش مقتنعة! قالت لي مرة إنها نفسها تحضر درس ديني زي زمان مع صاحبتها.. بس هما مش هيقبلوها خلاص من بعد ما خلعت الحجاب.. دول بطلوا يسألوا عليها.. يبقي هيقبلوا بيها وسطهم!؟ لما يأست إنها تلاقي عندنا إحابات علي أسئلتها.. اختفت.. وإحنا ما حاولناش نسأل عليها". وبينما يودع أصدقاء زينب جثمانها في تلك الساعة بقيت الكلمات متوحدة علي الدعاء "اللهم اغفر لها وارحمها".
