في كافة مباريات "الديربي" علي مستوى العالم , يحب أنصار الفريق الفائز أن يتداولون الدعابات عن هزيمة الفريق الآخر , ولا يختلف الامر في مصر كثيراً حيث أن هناك الخلاف التاريخ بين جماهيري الفريقين , ولكن الامر هذه المرة كان مختلفاً خاصة مع وجود عوامل مساعدة جعلت بعض جماهير الزمالك يسخرون من الهزيمة مثل المواجهة التي دخلها رئيس نادي الزمالك مع الالتراس ومع مجلس إدارة الاهلي . ولم تختفِ السياسة عن المشهد كالتالي : - عاجل, الرئيس يهنئ النادى الاهلى بفوزه بكأس السوبر ويطالبهم بالتبرع بالكأس لصالح صندوق تحيا مصر. - مرتضى لجمهور الزمالك : اتهزمنا أحسن ما نبقي زي سورياوالعراق . - في حين أني مش مشجع لكرة القدم، أقدر أقول بناءًا على التايم لاين عندي ان شعار المرحلة القادمة هو "مش أحسن ما نبقى زي الزمالك". - الوحيد اللى عنده ثبات ع الموقف فى البلد دى هو الزمالك ومرتضى دلوقتى هيقولك الاخوان هم السبب... واحمد عبد الظاهر هو اللى ضيع الكورة علشان يربك خطتنا...ودى مؤامرة اسبانية من جاريدو.. - الزمالك وهو قادم قابل مرسي وهو راجع يوم التلات بتاع "حمدين" - الزمالك مش مش قادر؟، هو مش عايز. - فيما قال الباحث أنس خالد : بغض النظر إن ماليش في الكرة، ولا بحبّ أتفرج عليها، ويمكن مفيش ولا مرة قعدت أتفرج على كرة باهتمام بعد نهائي مونديال 1998، لكن عندي ملاحظة برضه نادي الزمالك ده بقى كأنه نموذج مستنسخ من فصيل سياسي معين كلنا عارفينه، عارف إنه هيشيل أوبَّح كل مرة، لكن اللي بيدفعه للذهاب للملعب هو ثقته في القيادة اللي فوق ! فيما ظهرت القفشات العادية كالتالي : - عاجل : انتحار حسام حسن ومحمد كوفي وباقي الفرقة خوفا من مرتضي . - مبروك للنادي الأهلي و لحسام الغالي اللي رفع الكاس و هو لابس كوبريين -
طبعاً في ظل الزيطة بتاعت فوز الاهلي علي الزمالك .. لازم اقول الدعابة الرسمية بتاعت الموقف دة : - جوزيه كسبهم , البدري كسبهم , محمد يوسف كسبهم , فتحي مبروك كسبهم , جاريدو كسبهم .. كدة مفاضلش الا عم حارث - فيما قال المخرج عمرو سلامة : سأجاوب السؤال الذي يسأل لي طوال عمري.. لماذا أنا زملكاوي؟ لإنك لو إنهزمت، عادي، مش هاتزعل، لإنه متوقع، لكن لو كسبت حدث غريب، فتتبسط قوي، فإنت يا عادي يا مبسوط قوي. لكن لو أهلاوي، لو كسبت، عادي، مش هاتتبسط، لإنه متوقع، لكن لو خسرت ده حدث، فهاتزعل قوي. ها تختار إيه؟ باكيدج (عادي أو مبسوط قوي) والا باكيدج (عادي أو زعلان قوي) وتداول نشطاء فيديو للفنان صلاح ذو الفقار مع طفل في فيلم في مرحلة الخمسينات يشكو فيه الطفل من خسارة الزمالك كالتالي :