توعد مصطفي الحسيني - المذيع السابق بقناة مصر 25 والمعد السابق بعدد من الفضائيات - بكشف ما سماه فضائح النخبة التي تظهر بشكل مكثف علي القنوات قائلا : هذا وقت التصريح وليس التلميح . وقال الحسيني في تدوينة علي فيس بوك : بعد صمت طويل .. وعمال أقول استنى يا واد يمكن يفوقوا ويرجعوا .. لكن يبدو انه مفيش أمل .. بداية الكلام ده هيزعل مني ناس كتير .. بس والله العظيم دي الحقيقة .. والحقيقة لازم تتعرف .. هبتدي أعمل سلسلة من البوستات حول منافقي " النخبة " التلفزيونية .. وأضاف: مرفق صورة لبوست سابق كتبته بعد الإنقلاب بأيام .. مرضتيش أقول وقتها إسم الشخص ده رغم أن كتير كانوا شغالين معايا وقتها في قناة التحرير عرفوه وكتبوا إسمه في التعليقات لكني مسحتها من باب انه ممكن يراجع نفسه .. لكن الحقيقة انه مفيش فيه أمل كل يوم يضلل الناس أكتر ويدس السم في العسل .. الشخص ده هو د. معتز بالله عبد الفتاح .. انا اشتغلت معد لبرنامج " أ . ب سياسة " للدكتور معتز بالله عبد الفتاح وبعدها معد لحلقاته الأسبوعية في برنامج " في الميدان " بقناة التحرير .. الكلام ده من حوالي سنتين وقت المجلس العسكري ما كان في الحكم وساعتها د. معتز كان المستشار السياسي للمجلس العسكري .. وقتها كان بيشتم فيه جدااااااااااا قدامنا برة الكاميرا وكان بيتهمهم دايماً بالغباء السياسي وانهم مش بيسمعوا كلامه وانهم هيدمروا البلد وانهم مجموعة من ضيقي الأفق اصحاب المصالح مع مبارك وكلام يحسسك أنه لو شاف حد فيهم ساعتها هيديله بالقفا .. والكلام ده يشهد عليه كتير من الموجودين على صفحتي من اللي اشتغلوا معايا في قناة التحرير .. المهم أنه اول ما يدخل قدام الكاميرا ويطلع عالتلفزيون كلامه يتغير تماماً 180 درجة ويشكر في المجلس العسكري ولو حب ينتقدهم يقعد يقول كلام كتير ماتفهمش منه أي حاجة غير بالعافية. وأردف: طبعا اغلبنا اللي شغالين في القناة وقتها كنا شباب ثوري فبنتضايق منه جدااااا فكنا بنحاول نفهم منه بعد الحلقة هو بيقول كدة ليه يقعد يحور ويلف ويدور كتيييييييييييييييير ويقولك أصل ليس كل ما يدرك يقال وحورات فاكسة من دي .. المهم كان علاقتي بيه في الفترة دي قوية جدا يعني كنت بقابلة يومياً مثلاً ونقعد نتكلم على التليفون كتير علشان اعداد الحلقات واختيار الضيوف .. المهم كنت قربت أتجنن من اسلوبه لأني في الاول كنت مبهور بيه لأنه فعلاً عنده علم موسوعي ومثقف جدااااااا .. بعدها ريحت نفسي وصنفته صح .. ده شخص منافق .. وبينافق اي حد في السلطة .. علشان كدة لما جه الاخوان ومسكوا الحكم وبقى بينافقهم كنت بحذرهم منه وبقولهم انا عارفه كويس جداااااا وكلامه بيتغير تبعاً لمين موجود في السلطة .. لكن محدش منهم صدقني . وتابع : طبعاً فيه مواقف كتير حصلت قدامي ممكن تبين أد ايه هو منافق .. بس عموماً هذكر منهم موقفين .. الأول وقت أحداث محمد محمود الأولى اللي في وقت المجلس العسكري .. كان وقتها عندنا حلقة وقعد يشتم في الناس اللي بتتظاهر ويقول العيال دي عايزة توقع الدولة وكلام من العبيط ده، المهم أنه برضه طلع عالهوا واتغير كلامه وقعد يمدح في شباب الثورة. وأنهي كلامه قائلا : الموقف التاني قبل الانتخابات الرئاسية قاللي ما نصه " إنه بإعتباره المستشار السياسي للمجلس العسكري فهو متأكد من كتر ما بيقعد معاهم إنهم يستحيل يسلموا البلد للإخوان ويسمحوا بأن حد من الاخوان يبقى رئيس الجمهورية " فلما سألته ليه .. قال كلام كتير كدة فهمت منه إن المجلس العسكري بيعتبر الإخوان خطر على مصر وعلى استقرار المنطقة كلها .. فأنا إستغربت من الكلام وقلته طيب وانت شايف إيه ؟؟ قال برضه كلام كتير معناه إنه رأيه شبه كده برضه . لمشاهدة صورة التدوينة التي أرفقها الحسيني مع كلامه :
