أكد الإعلامي عمرو أديب - مقدم برنامج "كل يوم" - أن عدة أسباب وراء مقابلة الرئيس عبد الفتاح السيسي بمقابلة رئيس الوزراء الإسرائيلي . وأضاف في برنامجه المذاع على قناة "ON E" : "كان فيه اتصالات وتمهيد من فترة عشان الصورة تكتمل .. الإدارة اللي هنا واللي هنا اتكلموا .. فلازم في نهاية اللقاء يبدأ الرئيس الحديث عن مبادرة الملك عبدالله في بيروت ومبادرة الأرض مقابل السلام وهيبتدوا يتفقوا بداية المفاوضات هتكون ازاي". وأضاف: "استطاع الجانب المصري أن يلقي الكرة الملتهبة إلى الجانب الإسرائيلي ونتنياهو هيقولهم الحقوا دول عايزين يتفاوضوا .. وطبعًا قناة الجزيرة هتعمل فرح النهاردة .. بس مصر لا تريد لنفسها شيء لا عايزين من إسرائيل غاز ولا فلوس .. والأمريكان اللي متغطي بيهم عريان .. فازاي ناس تقول إن السيسي بيحاول يقرب من أمريكا .. دول اتخلوا عن مبارك رغم إنه كان حليفهم .. الأمريكان مبيسندوش حد ". وتابع: "محدش ينال منكم إن الرئيس قاعد مع نتنياهو وأنا مقتنع بالخطوة لأن دة عودة لدور مصر .. احنا لينا دور في من يحكم ليبيا ولينا دور في حل القضية الفلسطينية اللي العرب نسوه بسبب ظروفهم .. والمسجد الأقصى كان حايتهد ولا حد اتحرك وتم اقتحامه و وقف الفلسطينيين بشجاعتهم قدام الإسرائيلين وقالولهم أبدًا .. هذا هو المسجد الأقصى مسجد المسلمين .. والكفاح الفلسطيني ولا حد حاسس بيه ". وأضاف: "تستشعر مصر أن الخطة البديلة بقى .. آجي أقولك احنا معندناش مكان طب هنوديهم فين؟ .. ايه رأيك أنت؟ .. لا طبعًا .. الناس تقعد في أرضها احنا مش مع ترحيل الفلسطينين وكفاهم هجرة وتهجير ولو زعلان من السيسي اسأل أصحاب القضية هيقعدوا يتفاوضوا ولا لا ؟ هل هنقعد نعيد تاني إثبات ما أثبته السادات؟ .. حرب تاني مع إسرائيل غير موجود .. بس الآن دة مش هيحصل ". الفيديو:
