"إحنا اللي قلعنا الضابط هدومه علشان نحميه"، كلمات قالتها سيدة من أهالي منطقة جزيرة الوراق، ردًا على الاتهام الذى وجه إليهم بأنهم إرهابيون. وأضافت فى حوارها ل"المصريون": "الداخلية ضربوا الضابط اللى معاهم بالنار عشان يقولوا أهل الوراق هما اللى ضربوا وإحنا قلعنا الضابط وخفنا عليه ولبسناه هدوم ولادنا وطلعنا المستشفى ودكتور الوحدة الصحية راح معاه عشان يعالجه". وتابعت قائلة: "إحنا مش ارهابيين زى ما هما بيقولوا علينا، إحنا مش عايزين نسيب البلد اللى اتربينا وعيشنا فيها عمرنا كله". يذكر أن قوات الأمن حاولت إخلاء منطقة جزيرة الوراق من سكانها منذ عدة أيام إلا أنها لم تتمكن من الإخلاء وأسفرت العملية عن استشهاد مواطن وعشرات الإصابات بين قوات الأمن وأهالى المنطقة.
