استنكر سامح أبو عرايس - المحلل الاقتصادي ومدير حملة أبناء مبارك - قول البعض إن الأوضاع الاقتصادية في مصر تتحسن ، مشيرًا إلى أنه لا يفهم كيف يُقال ذلك. وقال "أبو عرايس" في تدوينة عبر حسابه ب"فيس بوك": "قضيت أكثر من عشرين سنة من حياتي في الأسواق المالية والأبحاث الاقتصادية وحاضرت في وول ستريت ودربت موظفين شركات استثمارية وبنوك مركزية وحصلت على شهادات دولية وعملت أبحاث عن الأسواق الناشئة .. وباحاول أجيبها يمين أو شمال علشان أفهم منطق خبراء الاقتصاد السيساوية اللي بيقولوا إن اقتصاد مصر بيتقدم وإن اللي بيحصل ده اصلاح اقتصادي وبرضه مش قادر أفهمهم". وأضاف: "يعني ازاي احتياطي بنك مركزي أغلبه ديون يبقى إنجاز .. وازاي لما تنهار العملة في عهدك وبعدين تسترد جزء صغير من اللي فقدته يبقى إنجاز .. وازاي أإن تضاعف الدين الداخلي والخارجي يبقى اصلاح اقتصادي .. وازاي أن عدم السيطرة على التضخم يبقى شئ طبيعي .. أكيد الناس دي دارسة اقتصاد غير اللي درسناه وغير اللي كل العالم درسه .. أو الحل الثاني أن الناس دي تكون فاهمة أن اللي بيحصل ده عك لكن بتستهبل علشان مصالحها أو لزوم التطبيل" حسب تعبيره.