كشف المهندس أحمد محسن، أحد أكثر النشطاء المؤثرين على موقع التواصل الاجتماعي «فيسبوك»، والذي يحظى بمتابعة أكثر من 55 ألف ناشط آخر، عن التفاصيل الكاملة لما أسماها ب«كتيبتي السيسي» واللتين يطلق عليهما اللجان الإلكترونية التي تعمل على مهاجمة وتخوين أى معارض وتشن حملات ممنهجة ضمن تعليمات تصدر لهم ضد معارضين. وكشف «محسن» في منشور مطول عبر صفحته على «فيسبوك»، تفاصيل هذه اللجان، مُدعمًا كلامه بروابط صفحات وفيديوهات تؤكد نظريته. وجاء نص منشوره كالتالي:- يوم 13 أبريل 2016 اللي فات طلع السيسي بخطاب من خطاباته.. واللي دايما بيبحبح عن نفسه فيهم من غير ورق وقال (أنا ممكن بكتيبتين أدخل على النت وأعملها دايرة مقفولة والاعلاميين ياخدوا اخبار وشغل منها). مرجع للخبر: http://bit.ly/2fUE4qw المقطع الاصلي : http://bit.ly/2fUDQ2r وفي يوم: 13 أكتوبر2016 طلع تاني لكنه رحرح أوي المرة دي.. وقال أنا متابع الناس بتقول إيه على مواقع التواصل الاجتماعي.. وعليه.. نستنتج من التصريح الأول مع التصريح التاني إن السيسي متابع شغل الكتيبتين دول وبس.. (بيكتبوا إيه ويردوا على مين). مرجع للتصريح التاني: http://bit.ly/2fUEI7c الكتيبتين فعليا موجودين ع الأرض.. وأكدوهم أكتر من مقرب.. آخرهم إبراهيم عيسى.. وهما نوعين .. نوع مدفوع وممول من صحف وصفحات فيس بوك وتويتر.. وهتكلم عنهم بروابطهم.. ونوع تاني بالتطوع .. والنوع ده بيشتغل عليه الموهومين بالوطنية المزيفة.. وإنهم بترويجهم لإشاعات وأكاذيب ومهاجمتهم لأراء الناس الوطنيين بجد ؛ يبقوا كده بيساعدوا البلد أنها تقف على رجليها وبيحموها.. والنوع ده انكشف منها واحدة أول امبارح باسم (جروب اتحاد مؤيدي الدولة). رابط الجروب: http://bit.ly/2fUDuJs فيه مقال بتاريخ: 26 سبتمبر 2014 .. للدكتور / مصطفى النجار على جريدة المصري اليوم .. عن شاب مصري اتقدم لوظيفة للعمل في موقع ع الإنترنت.. واما ملى الإبليكيشن اللي بيحدد توجهاته ولقوا دماغه هي والعدم سواء.. فطلبوه يشتغل.. ولما راح لهم شقة كبيرة في المهندسين فيها عدد كبير من الشباب على الكمبيوترات على كذا صف.. ولقى أن كل شغلتهم إنهم بينقلوا كلام من شاشة كبيرة قصادهم ويدخلوا على صفحات وبروفايلات معينة .. ويهاجموها بالكلام اللي مكتوب عالشاشة.. مرجع شهادته بالمقال: http://bit.ly/2fUJi5G وفيه شهادة تانية بتاريخ : 28 ابريل 2016 عن صحيفة (فرانس برنس) ترجمتها جريدة العربي الجديد بان اللواء / عباس كامل اسس كتيبة من الجيش نفسه تحت اسم (مركز الإعلام الوطني للقوات المسلحة) بتشتغل شيفتين صباحي ومسائي.. هدفها الرئيسي تشويه المعارضة والهجوم على اصحاب الراي منهم.. مرجع المقال: http://bit.ly/2ft0hIY اتطورت الحكاية ودخلت عالخط الصحف سواء مكتوبة او الكترونية وبقينا نلاقي نفس العنوان وممكن بنفس اللون والفونت كمان (غالبا اللون أحمر.. والفونت نوعه المتين او اكسترا بولد).. ولازالت الصحف دي شغالة كلجان الكترونية لحد دلوقتي كهدف ومضمون.. والأفق الضيق اللي بيديهم الاوامر والنصوص مابيعرفش يلون ولا يغير في الكلام وصولا لنفس المعنى. مرجع لتلات صحف حالية بنفس مانشت الخبر: http://bit.ly/2fsWhsf بعد كده ظهر كذا مذيع بيقول نفس كلام اخوه في برنامج تاني وقناة تانية ..من غير ولا حرف ناقص ولا حرف زيادة .. وولا فيه كسوف ولا خجل من ان ولاده اللي بيتفرجوا عليه في البيت ويقارنوه بالمعاتيه اللي شبهه في باقي البرامج والقنوات .. مرجع بالفيديو من اول الدقيقة 12 شوف كام اعلامي قال نفس الجملة: http://bit.ly/2fUGqFT دخلنا بعد كده في أسلوب جديد وفريد من نوعه وهو أسلوب ( الحملات الموجهة ) .. صفحات باسماء رنانة زي ( الجيش المصري الالكتروني ) .. ( صفحة وزارة الداخلية الغير رسمية ) .. ( فخر مصر ) .. ( صفحة الجيش المصري ) .. الخ .. ودول معظم بوستاتهم هتلاقوا تحت كل بوست كلمة ( ممول ) .. وطبعا مبالغ صخمة جدا عشان يقدروا يوصلوا لعدد كبير .. وبرغم انهم وصلوا لملايين من المتابعين .. لكن طبعا التفاعل ضعيف جدا .. ودول وظيفتهم استباق تحريات الداخلية والمخابرات في حالة عدم وجود بيان رسمي .. http://bit.ly/2fUHQjM http://bit.ly/2fUJd1K http://bit.ly/2fUHJVd مثال لكده مقطع سواق التوكتوك.. نزلوا بوست عالصفحات دي بيقولوا ( اقسم بالله ان دي بياناته وانه مدرس ونسيبه مدير مدرسة اخوانية ) .. وطبعا المهابيل والمهاطيل يشيروا والكذبة تثبت .. واكمنهم مجرد لجان في عداد لجان السيسي الممولة فمبيكلفوش خاطرهم ويرجعوا يمسحوا البوست بعد ما ظهر انه مجرد راجل غلبان وسواق بجد .. لا .. ويصوروه ويخلوه ياعيني يهرتل باي كلام من نوعية متسمعوش غير لمتحدث السيسي.. مرجع تصريح على صفحاتهم : http://bit.ly/2fUGmWu http://bit.ly/2fUK42t http://bit.ly/2fUEuxd مرجع لفيديو الراجل بعد ما وصلوله: http://bit.ly/2fUPtXu الفضيحة بتاعة أول امبارح مش جديدة.. ده جروب عاملاه دكتورة أسنان اسمها (شيماء رفعت).. وضافت عليه كام شخصية داعمة للسيسي من الشخصيات العامة .. وكان الهدف الاساسي هو المشاوره في دعم النظام .. اتغيرت الاحداث 180 درجة لما دخل عليهم (إبراهيم الجارحي) وده للي ميعرفوش كان صحفي وبيعمل برنامج عاليوتيوب بيعارض مبارك ومن بعده مرسي.. لكن لما وصل لترابيزة السيسي المستديرة في أول لقاء في القصر الجمهوري.. فبقى بسم الله ماشاء الله زي ما انتم شوفتم بيدي اوامر مباشرة لعدد 16 الف عضو في الجروب قربوا من 30 الف بعد الفضيحة .. والهدف عمل حملات تشويه للمعارضين ودعم للمؤيدين .. مرجع الجروب وأوامر الجارحي فيه: http://bit.ly/2fUKWnQ ده حصل بعد الفضيحة اللي عملها لهم واحد منهم اسمه الدكتور / خالد رفعت .. الراجل بس حاول للحظة يستخدم عقله ويشوف الخراب اللي وصلت له مصر .. فابراهيم الجارحي بعدها مباشرة اتصرف كأجبن واحد فيهم .. واول واحد نط من المركب وخرج من الجروب كادمن وكعضو كمان .. عشان يظهر مدى الخسة والنتانة والمقلب اللي عملوا مع اللي نفذوا كلامه واوامره واللي طبعا جايله من فوق .. لكن ادامن الجروب رجعوه تاني عشان يظهروا برضه الفرق بين الممولين والاتباع اللي هم اسمهم ( القطيع ) .. مرجع سكرين شوت لهروب الجارحي يوميها من الأدمن: http://imgur.com/a/RurLR مرجع إعادة الإضافة امبارح: http://imgur.com/a/ndhms طبعا طلع الجارحي بعدها ببيان ينزه نفسه من الوطيان وانه بيعمل كده لصالح مصر .. ومفيش تمويل ولا حاجة .. لكن اعلامي النظام الاول / ابراهيم عيسى ثبت عليه التمويل .. فقعد ابراهيم الجارحي يعمل بلوك وبان لاي حد بيدخل يعلق له عالبيان الاهبل بتاعه .. مرجع بيان الجارحي: http://bit.ly/2fUM8Yh مرجع تصريح إبراهيم عيسى بالفيديو: http://bit.ly/2fUNr9G دخلت بنفسي الجروب بتاعهم وللأسف لقيت بوستات أقل ما توصف بيه هي الحقارة .. منها .. واحد عايز يبلغ عن زميله في الشغل عشان معارض للدولة .. وواحد عايزهم يعتقلوا اب وعياله طالعين بيغنوا بلحة يابلحة وجايبين بياناته .. ده غير بوستات عايزين لها شير بالامر المباشر .. او دعم لحسابات وهمية بتقع .. او متابعة لشخص مش معروف .. مرجع لبوست من السفالات عالجروب: http://imgur.com/a/rUJEF أخيرا .. اللجان الالكترونية ومعاها اللجان على الأرض أغلبهم اشباه بشر فاكرين إنهم وطنيين وبيحبوا بلدهم وبيحموها من أعداءها .. لكن على مر التاريخ فيه حقيقة مؤكدة دايما بيبلبسوا فيها .. وهي إنهم كانوا ولازالوا بيعبدوا حاكم الدولة وبينزوه من أي أخطاء .. زي الاله .. واقل واحد فيهم حاطط في عقله ان الحاكم مؤيد من ربنا رأسا وعشان كده سايبه ونسي أية (وأُملي لهم).. أما لما بيسقط الحاكم تحت أقدام الشعب الثائر .. بيظهروا على حقيقتهم .. مجرد جبناء احتموا في سطوة حاكم اجبن منهم .. وساعتها بيلعنوا بلدهم باللي فيها .. وبيشتروا الخيانة لأعداء الدولة بالغالي والنفيس .. ده اذا عرفوا اصلا يهربوا من حبل المشنقة .. أما رسالتي للغلابة منهم .. انتم مش روجتوا للدولار إنه بيقع عشان البنك يلم فلوس الغلابة بالباطل ؟ .. اهو رجع الدولار بقى ب 17 وفي طريقة لل 18 .. حلو كده ؟ ( استقيموا يرحمكم الله ).
