كشف ممدوح جمال، أحد الشباب الثوري، عن تفاصيل ما يحدث من انتهاكات داخل سجن طرة، وفقًا لما عايشه داخل السجن؛ نظرًا لاعتقاله على خلفية أحداث التظاهر بمجلس الشورى، وخرج بعفو رئاسي منذ شهور عديدة، قائلًا "في سجن طرة يوجد شخص يدعى "محمد النجار" أو أبو إسلام كما يطلق عليه الجنائيون المحبوسون الأسد العجوز؛ نظرًا لعمره الذي تجاوز ال 50 عامًا". وأضاف ممدوح، في تدوينته التي نشرها عبر صحفتها الشخصية بموقع التواصل الاجتماعي "فيس بوك"، أنه مخبر مباحث بسجن القاهرة طرة تحقيق.. مسئول عن عنبر 1 شديد الحراسة وده بيكون فيه العناصر الخطرة إذا كان سياسيًا أو جنائيًا ومسئولًا أيضًا عن غرف تأديب السجن". وتابع ممدوح: "النجار مخبر العنبر بقاله أكتر من 15 سنة.. ويومه بيمر كالآتي.. بيوصل السجن الساعه 8 صباحًا أول حاجه بيعملها.. يدخل غرف التأديب ويجبر المسجون أن وشه يكون ف الحيطة ويضربه علي "قفاه" أو يمسك دماغه ويخبطها ف الحيطة وساعات بيدخل بالشومه وزي ماتيجي تيجي.. وبعد كده يبدأ يعرض أنه ممكن يخرجك من التأديب حالا مقابل 500 جنيه.. بعد كده يفتش الزيارات ويطلع من كل مسجون بمصلحه أقل حاجه علبتين سجاير ب20 جنيه ده بس عشان ما يقلبش الزيارة علي الأرض ويبهدلها". واستكمل ممدوح قائلًا: "يبدأ يقلب رزقه من ساكني زنزانه "الدواعي" شبه التأديب بس فيها "دوره مياه" ويعرض ع المساجين إنه يخرجهم مقابل مبالغ ماديه بيشرب الجنائيين التركيبه عباره عن "زيت.. صابون.. طافيه سجاير.. لبن.. سكر" فيستفرغوا قدامه.. ويتأكد أنهم مش مهربين مخدرات في معدتهم.. في ناس كتير اتقتلت بسبب التركيبة زي شخص يدعى "كشري" زنزانه 2/أ سرقه" شديد الحراسه.. وبيتكتب هبوط حاد والحوار بيموت". وأضاف "بيدخل الجنائيين منور العنبر وبيجبرهم يقلعوا هدومهم كلها ويضربهم بماسورة المياه أو خرطوم جلد ..الكلام ده ماسمعتوش من حد .. شوفته بعيني 6 شهور تسكين في عنبر 1 شديد الحراسة ومعظم قضيه الشوري شافته (كنوع من التكدير) ومصلحه السجون والنيابه العامه والمجلس القومي لحقوق الانسان علي علم بما يحدث دون تدخل". ولم يتسنَ ل"المصريون" التأكد من صحة ما ورد في تدوينة الناشط السياسي ممدوح جمال أحد معتقلي أحداث مجلس الشورى.