فتحت الفنانة الكوميدية شيماء سيف، النار على مروجي شائعة انسحابها من برنامج "نفسنة"، مؤكدة أنها حصلت على مكالمات وتسجيلات صوتية تكشف من خلالها صاحبة تلك الشائعة، ويبدو من كلماتها أنها تقصد الفنانة "انتصار" التي كانت من ضمن فريق تقديم البرنامج، وذلك بسبب ذكرها لجملة "كفاية يا انكسار واشحنى باقاتك واتفرجى على الحاجات اللى بتحبي تتفرجي عليها، في إشارة منها لتصريح السابق للفنانة انتصار "بحب اتفرج على الأفلام الإباحية". وكتبت شيماء سيف، عبر حسابها الخاص بموقع التواصل الاجتماعي "فيس بوك": "بعد البحث والتنقيب عمّن وراء كل تلك الشائعات ظهرت الرؤية بالدليل القاطع والأدلة والمكالمات المسجلة، فنصيحة لكل صحفي اتأكد قبل ما تكتب ومش كل واحدة بتسمي نفسها ممثلة هتقول كلام على غيرها نصدقه ونجري نكتبه باعتبار أنها مصدر، فاسمحلي أبلغك مفهومك عن المصدر الصحفي خاطئ وده اسمه شغل المصطبة". وأضافت: "أما الأخت الفاضلة فأنا ممكن بسهولة أنزّل المكالمة اللي متسجلا لك من الصحفي اللي ساعة الجد خاف وباعك في أول محطة، ولما قررت أجيبها جيبتها في أقل من ربع ساعة وأبين إنتي إيه، بس أنا أرقى من ده ومش هدخّل نفسي في دايرتك الحقيرة، عشان والله ما فضيالك، كفاية انكسار، واشحني الباقة واتفرجي على شوية حاجات من اللي بتحبيها عشان تتلهي في حاجة بعيد عننا، وبلاش أنا".