ألمح الناشط الحقوقي والناشر هشام قاسم إلى صعوبة ترشح الرئيس عبد الفتاح السيسي لفترة رئاسية جديدة في الانتخابات المزمع إجراؤها عام 2018 . وقال "قاسم" في تدوينة عبر حسابه الشخصي ب"فيس بوك" : "موضوع مد فترة رئاسة السيسي 8 سنين خلاني كتبت تعليق امبارح لمحت فيه أن بقاء السيسي لفترة تانية شبه مستحيل تحت أي سيناريو ممكن" ، مشيرًا إلى أن أحد أصدقاءه اختلف معه وكتب تعليق يقول فيه إن :"السيسي مطول معانا وتعليقات أخرى بنفس المعنى من الأصدقاء" حسب قوله. وأضاف: "أنا شايف أنه مش حيترشح لفترة تانية لو اتفاق صندوق النقد تم ، لأن ببساطة الاتفاق حيكون معناه ترشيد السياسة المالية وتوقف المشاريع القومية زي المليون ونص فدان اللي بيقال إن عشر تلاف منهم جهزوا للزراعة وفاضل مليون وربعمايه وتسعين الف فدان، مش لاقيين حد مستعد يضيع فلوسه فيهم، وبعثة البنك الدولي رفضت تمويل المشروع ببساطه لعدم وجود موارد مائية لري المساحة وكفاية على الجيل ده وجيلين تلاتة معاه خازوق توشكى" حسب تعبيره. وأردف: "طبعا ده معناه العاصمة الجديدة بخ، ،الطرق السريعة للساحل الشمالي بح، وهنضطر احم احم نؤجل مشروع المفاعل النووي. التركيز حينصب على سياسات و مشاريع متواضعة شوية بس ممكن تحسن أوضاع البلد الإقتصادية" حسب نبوءته واستدرك: "ممكن طبعا الفريق بتاع السيسي ينصحوه بأن مجموعة صندوق النقد دول شوية خواجات عبيطة واحنا نوافق على شروطهم ونعمل ما بدالنا وفي الحالة دي، الصندوق حيلغي الاتفاق في أول مراجعة ربع سنوية. واحد يقولي طيب وهل ده معناه إن البلد تضيع، ارد اقول هيهات، وأبدا لن يحدث، فريق السيسي فاتح مفاوضات سرية مع مجموعة كواكب من المجرة الشمسية لضخ معونات واستثمارت ولا أذيعكم سرا على رأس الكواكب دي عطارد والمريخ وزحل" حسب وصفه.