تنصل الفنان "أحمد حلمي" من التدوينة الساخرة التي كتبها وفسرها نشطاء بأنه ينتقد الفنان محمد رمضان بعد نشر صورته مع سيارتيه الفارهتين . وقال "حلمي" في تدوينة: " اعزائي الكرام .. توضيح بسيط وسريع بخصوص ما حدث بعد نشر الصورة بتاعتي وأنا راكب العربية الميني القديمة اللي كانت معايا في فيلم ظرف طارق .. و اللي الناس فهمت أنها بغرض أني بوجه رساله لزميلي الفنان (محمد رمضان) وهذا ما أحزنني كثيرا". وأضاف: "يا جماعة أنا لو عايز أوجه رساله لأي حد أعرفه كويس أو حتي معرفوش مش هاعمل كده علي مواقع التواصل الاجتماعي .. لأني عمري ما عملت كده أبدا لأني ببساطة ممكن أبعتله رسالة علي موبايله أو هاكلمه في التليفون". واستدرك: "أما الكلام اللي كان مكتوب تحت الصورة اللي كتير من الناس معرفش ازااااااااي بجد فسروه بالطريقه دي مع أنه فعلا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا و له علاقة بالعربية الميني .. علشان كده نهيت الكلام المكتوب ب " ده كلام في سرك ..... ششش" .. مضيفًا: "زميلي العزيز (محمد رمضان ) ... ربنا معاك و يوفقك دايما و تحقق كل اللي نفسك فيه في حياتك الفنية"