أكد الكاتب الصحفي والسيناريست بلال فضل أن ما أسماه الظلم الحادث في النظام الحالي الكل سوف يدفع ثمنه في لحظة ما ، وذلك في تعليقه على صورة لطفل يحمل لافتة تتساءل عن مصير والده المختفي قسريًا . وقال فضل تعليقًا على الصورة : "والعجيب إن في ناس المفروض متعلمة ومثقفة، فاكرين إن كم الظلم اللي شايفاه آلاف الأسر في عهد السيسي، هيعدي كده بالساهل وما حدش هيدفع تمنه." وأضاف: "ظلم بالحجم ده وبالكثافة دي، مش هيعدي بالساهل، واللي هيدفع تمنه مش بس السلطة ولا فئة بعينها، هيعم تمنه على الكل، ولو جيت تبص بنظرة عقلانية باردة على داعش واللي بيحصل في سوريا والعراق، هتلاقيه جاي من ظلم زي ده عاشت فيه البلاد في الستينات والسبعينات والتمانينات والتسعينات، وفضلت الناس تبرر له وتسقف له أو في أحسن الأحوال تفتكر إن نتيجته هيدفعها ناس تانية غيرها، لكن في الآخر الكل بلا استثناء دفع الفاتورة" بحسب رأيه.