علق رئيس نادي الزمالك، على واقعة اشتباك الإعلامي أحمد شوبير والمعلق أحمد الطيب على الهواء مباشرة في برنامج "العاشرة مساءً" بانه "حزين مما حدث"، مشيرا الى انه رفض القضية حتى لايقال ان الاشتباك بين الاهلى والزمالك. وقال رئيس الزمالك في مداخلة هاتفية مع الإعلامي خالد الغندور في برنامج "اللعبة الحلوة مع بندق" على قناة LTC :" أحمد الطيب لما حدثت محادثة بيني وبينه أنا اعتذرتله بمنتهى الأدب والاحترام عشان لا تتحول القضية مرتضى وشوبير وتتحول القضية أهلي وزمالك". وأضاف: "شوبير انفعل مش عشان الأهلي خالص انفعل عشان قال لك إن زوجتي اسمها اتقال، مش اكتر من كدة، عشان مانتاجرش بقصة أهلي وزمالك، لا شوبير لما انفعل إرجع لو الفيديو عندك قال له سيب اسم مراتي رغم إن أحمد الطيب لم يذكر زوجته الفاضلة بأي سوء، ده كل اللي قاله إن أنت لما جالك دعوة من قطر طلبت إن زوجتك الفاضلة وبنتك يروحوا معاك، مقالش كلمة فيها إساءة ليهم". واختتم: "أنا حزين للي حصل امبارح، وأنا قلت لأحمد الطيب لو أنا دخلت في القضية وبقيت محاميك هتبقى القضية أهلي وزمالك، وتصفية حسابات مع شوبير".