مغرم بنيلك وبهرمك الشاهق حنى عليا يا مصر يا بهية مجنون أنا بحبك وحبى ده صادق ■■■ شباب وشايل من الهموم اكوام المسؤولين قالوا له أصبر عام صبر سنين وسنين مستنى يا بلدى فين الشغل ولا دى أحلام ■■■ النيل لمصر شريان الحياة وإحنا ولاده اللى ظلمناه جرنا عليه واعتدينا هو وهبنا الحضارة وإحنا ما صناه ■■■ حبى وهوايا بيميلوا للكتابة مسكت القلم أعزف بيه ع الربابة اهتزت ايدى بشدة وسقط القلم أتارى لمسك القلم بالايد مهابة ■■■ سافرت وهاجرت لبلاد كتيرة ما شفت فى حلاوتك صبية وجميلة سألت حكيم البلد إيه سرها قاللى بلدك فيها الصحبة والعيلة ■■■ دخلت كلية الحقوق لأجل أرد الحقوق وأنصر المظلوم صحانى أبويا م النوم وقالى فوق حسين عبدالكريم الأنصارى- قنا