حطة يا بطة.. كبر مخك.. دا احنا فى مالطة.. يعنى حتدن.. مهما حتدن.. آخرة تعبك.. تعيا بجلطة!! حطة يا بطة.. شغل أونطة.. عيشة أونطة.. حتى الشوق للجاى.. أونطة! أى كلام.. ومالهش ملامح!. فض مجالس.. لاجل مصالح!.. وصبح بكرة زى امبارح.. توب معيوب.. وبنفس الغلطة.. حطة.. يا بطة.. حطة يا بطة.. والأحلام.. الأحلام مش ليا وليك.. الأحلام صبحت تمليك.. اجرى وشوف حاجة تسليك.. شد لحافك.. نام واتغطى.. حطة.. يا بطة.. حطة يا بطة.. أنا الغلبان.. كفى معلى.. فى كل مكان.. صدرى براح.. وفى قلبى إيمان.. لكن صورتى.. بره اللقطة.. حطة.. يا بطة.. حطة يا بطة.. يا أغلى حروف.. ردى يا مصر.. اعملى معروف!! مين خلاكى عديمة الشوف.. وباع لياليك.. لتاجر شنطة؟! حطة يا بطة.. حطة يا بطة. كفر الدوار- البحيرة - ش الجيش