شقيق ياسمين عبدالعزيز عن سبب طلاقها: «مشاكل الفنان الخاصة مش مسموح لأي حد يعرفها»

تحدث الفنان وائل عبدالعزيز عن طلاق شقيقته ياسمين عبدالعزيز، ورفضها الإفصاح عن سبب الطلاق من الفنان أحمد العوضي.
تصريحات وائل عبدالعزيزعن طلاق شقيقته ياسمين عبدالعزيز
قال وائل عبدالعزيز ببرنامج «بودكاست سبوت لايت»: «إن ياسمين لا ترد على الانتقادات الموجهة إليها والأسئلة المتداولة حول أسباب طلاقها من الفنان أحمد العوضي وأنا لو أعرف مش من حقي أني أقول ولا هي تقول دي حاجة ترجع لها».
و أضاف: «اللي هيتكلم على ياسمين بشكل إيجابي بيتكلم عليها كويس، لكن اللي يتكلم عليها بشكل سلبي ليه تتكلم عليها سلبي، ومش من حقك تبقى القاضي وإنك تحكم وإنك تعمل، أنا لما بطلع أرد برضو بيكون في إطار المسموح ليا وفي حدود الإخوة اللي بيني وبينها».
و أستكمل: «المشاكل اللي بتحصل لأي حد في حياته هي جزء من حياته مش مسموح لأي حد يعرفها، ممثل أو فنان أو مذيع أو جمهور مش من حقك تعرفها، أه من حقك تقول خبر كمذيع لكن أسبابه مش بتاعتك هما ليهم أسبابهم، وقدرها ده حصل».
و ختم وائل عبدالعزيز حواره قائلًا: «أنا مش بحب الكلام الكتير الزيادة الموضوع حصل وانتهى وربنا يوفق الناس، أنا مهمتي كأخ أني أقول الصح صح والغلط غلط مهما كلفني الأمر».
اقرأ ايضا:
شقيق ياسمين عبدالعزيز يوجه رسالة لها بعد ظهورها من الحرم المكي