تحدث الفنان فاروق فلوكس، عن مراحل دراسته وبداية دخوله الفن، لافتا أنه كان متفوقًا، وحينما قامت حرف 1956 الدم غلي في عروقي وأضاف خلال لقائه مع الإعلامية إنجي هشام، في برنامج «المنسي» المذاع عبر قناة «هي»: «أنا كنت في كلية الهندسة وكنت طالبا متفوقا، ولكن لما قامت حرب 1956 الدم غلي في عروقى مع أني كنت وحيد العيلة، وقعدت 55 يوما، وكنت صغيرا وأول مرة أخرج برا بيتي وشوفت حياة مختلفة والمصريين بيحبوا بعض في كل الحالات، والدكاترة في الكلية كملوا دراسة ولاكن حصلت حرب، وجيت وقت الامتحانات وسقطت في 3 مواد وعيدت السنة، وقولت مش معقول هخلي والدي يدفع المصاريف، وكنت بساعد أصحابي وأخد فلوس، وبقيت معروف في الكافيتريا، وواحد جه قالي عايزينك تمثل معانا، وروحت وقالولي لقن لهم الكلام، وأنا مكنتش أعرف يعني إيه تمثيل ولا تلقين كلام». وتابع: «خلوني عملت دور خواجة وعملته غلط، والمخرج قال شيل الولد ده وشيل الدور كله مش مهم، وأنا اتغاظت لأني مبحبش الفشل، والأستاذ أبوبكر عزت هو اللي اكتشف موهبتي وعلمني ودربني وفهمني، ونجحت نجاح غير عاد، ودوقت حلاوة المسرح ونجاحه ومقدرش أنسى تصفيق الجمهور أبدًا». وحول تفاصيل علاقته بالراحل فؤاد المهندس، فأوضح «فلوكس»: «روحت أقابل أستاذ فؤاد المهندس واشتغلت معاه وبقيت مساعد مخرج ليه وبقيت مخرج، وكنا بنعمل فن في الجامعة وبرا الجامعة، ومن هنا ابتدأ مشوارنا الفني، وفؤاد المهندس كان أستاذي وحبيبي لغاية ما توفى، ولما كنا بنقرأ عليه في الجامع ورايحين ندفنه أغمى عليا». كما كشف فاروق فلوكس، تفاصيل الخلاف بينه وبين الراحل فؤاد المهندس، قائلًا: «كان في بيني وبينه مواقف تزعل زي أي بني آدم، وهو طلع في أحد البرامج وقال أنه زعلان مني لأنه كان تعبان وأنا مروحتش له، وأنا وقتها كنت في السعودية بعمل عمرة، ولما جيت مصر بكلمه حمد الله على السلامة زعل مني أوي وحاولت أكلمه مفيش فايدة، لغاية ما روحت له المسرح وقالي لأ مش زعلان إزاي متجليش وأنا تعبان، قولتله كنت بعمل عمرة، قالي تسيب العمرة وتجيلي، وهو كان بيعتبرني ابنه البار». وحول إعادة تقديم مسرحية «سيدتي الجميلة»، قال: «مشوفتش مسرحية سيدتي الجميلة اللي عملها أحمد السقا وريم مصطفى، وهما عملوا النسخة الأصلية لمسرحية شكسبير، ومش عارف هما عملوا شبه اللي فؤاد المهندس عملها ولا لأ». برنامج «المنسي»، من تقديم الإعلامية إنجي هشام على شاشة قنا هي، ويُعرض يوميًا في العاشرة مساء، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
