«أيوة حصل أنا قتلتها، لأن الأوامر الإلهية جاتلي كده».. اعتراف للمعالجة الروحانية ومضيفة الطيران الجوية التونسية السابقة «أميرة.ب»، والتي أنهت حياة ابنتها الرضيعة «تارا» عمدًا، مايو الماضي، في منطقة الرحاب بالتجمع الأول. تفاصيل قتل تونسية لطفلتها ب التجمع ونظرت محكمة جنايات القاهرة، محاكمة المتهمة التي حاولت التخلص من حياتها عقب ارتكابها الجريمة بزعم انتقالها مع ابنتها إلى الرفيق الأعلى، يوم الثلاثاء الماضي، وقررت تأجيل القضية إلى جلسة 17 فبراير المقبل، لحين وصول تقرير لجنة خماسية من الطب النفسي لبيان سلامة القوة العقلية للمتهمة من عدمه بناءً على طلب الدفاع. قالت «أميرة»، في اعترافاتها: «يوم الجريمة تشاجرت مع زوجي وكان نايم بره في الريسبيشن، لأني طلعته بره الأوضة وقلتله عاوزة هدوء عشان حان وقتي للذهاب إلى السماء، وبعدها حدثت مشادة بيننا وأكدت له إني بمجرد نومي هأبقى كويسة». وحكت المتهمة خلال التحقيقات أمام النيابة العامة، أنها تحب ابنتها «تارا» جدًا، لكنها خلصت عليها لأن «الأوامر الإلهية جاتلي كده»، إذ بحكم عملها في العلاج الروحاني «بيكون عندي التجليات والإلهام»، إذ يوم الواقعة كان هناك شرطًا لصعودي إلى الرفيق الأعلى وهو إني «أخذ بنتي معايا مسبهاش مع باباها، وكان لازم أضحّي بيها في الدنيا في سبيل إنها تعيش الدنيا الثانية اللي أنا رايحالها». لازم تطلع فوق معايا عند ربنا واستكملت المتهمة بقتل ابنتها: «لقيت شنطتي في الأوضة فقررت إني أقصّ الحزام بتاعها وروحت خانقاها بيها، وهي ماتت بشكل هادئ، وكان معايا سكينة صغيرة جبتها من المطبخ ضربت بيها نفسي في رقبتي كذا ضربة، وبعدها زوجي حاول ينقذني، وأغمى عليا وفوقت وأنا في المستشفى». وعن كيفية التخلص من ابنتها، قالت الأم: «أنا جبت مقصّ من الأوضة عندي وقصيت به إيد الشنطة القماش بتاعتي، ولفيت الحبل على رقبتها لحد ما اتأكدت أنها راحت عند ربنا»، مضفيةً أن الصغيرة كانت نائمة في سريرها، وكان لديها إحساسًا إنها «لازم تطلع فوق معايا عند ربنا». وتابعت: «حاولت أموت نفسي، عشان ده كان توجيه ولازم أنفذه إني انتقل إلى الرفيق الأعلى»، مشيرةً إلى أن زوجها لم يحاول عرضها على الطبيب النفسي لعالجها من الأفكار المتطرفة التي انتابتها مبررةً «بعالج الناس بالطاقة ومش بعمل حاجة غلط». وأشارت إلى هناك تجليات آتتها من النبي عيسى وموسى وأوحت لها قبل الجريمة أني «أتممت الرسالة ويستوجب ذهابي للرفيق الأعلى، عشان أنا مريم العذرا». زوج المتهمة: قتلت بنتي عن طريق الخنق كما، استمعت النيابة العامة لأقوال المهندس «عمرو»، زوج المتهمة، والذي قال عن معلوماته بشأن الواقعة: «كنت نايم في الريسبشن حوالي الساعه 6 الصبح، وجات مراتي قعدت جنبي، وفضلت تقول طلاسم كده، وفهمتني إنها تستخدم لتفعيل الطاقة، بعدها شربنا سيجارة وقالتلي إنها داخلة تنام، والساعة 8:45 صباحًا لقيتها بتقولي عايزة سكينة بتموت، أنا قلتلها إنتي مسلمة، صل على النبي، لقيتها بتقولي إن جايلها توجيه تطلع فوق وإنها (مريم العذراء)». وأضاف قائلًا: «بعدين جسمها كله كان بيترعش، وقالتلي إنها هتنام وهتبقى كويسة، ودخلت الأوضة اللي نايمة فيها البنت، وسمعت صوت من الأوضة كأن حد بيضرب نفسه، فروحت دخلت الأوضة لقيتها حاطه سكينة في رقبتها، وبصيت على البنت (تارا) مصحيتش، أنا افتكرتها رايحة في النوم وطلبت الإسعاف، وكان فيها قوة غريبة ومش عارف أسيطر عليها، وضربت نفسها تاني بسكين، والإسعاف جات خدتها، ودخلت اطمن على بنتي لقيتها مخنوقة، وروحت بيها المركز الطبي عشان ألحقها، قالولي إنها ماتت، وأنا بتهم مراتي بقتل بنتنا الوحيدة عن طريق الخنق، ومحاولة الانتحار، وأنا عرفت إنها لسة عايشة، ويمكن ربنا عمل كده عشان تاخد جزاءها». دعم المرضى النفسييين وتُحذر «المصرى اليوم» من الانتحار، كما تعمل الدولة على تقديم الدعم للمرضى النفسيين، من خلال أكثر من جهة خط ساخن لمساعدة من لديهم مشاكل نفسية أو رغبة في الانتحار، أبرزها الخط الساخن للأمانة العامة للصحة النفسية بوزارة الصحة والسكان، لتلقى الاستفسارات النفسية والدعم النفسي، ومساندة الراغبين في الانتحار، من خلال رقم 08008880700، 0220816831، طول اليوم، كما تحذر دار الإفتاء من مخاطر وإثم الانتحار.
