قال الشيخ عويضة عثمان، أمين الفتوى بدار الإفتاء، إن مجتمعاتنا فقدت قيمة احترام الكبير، مضيفا: «زمان كنت تلاقى العيل الصغير بيغلط وتلاقى جاره الأكبر منه يعاقبه، فالولد يدخل لأبوه يبكى، يقوله ضربك عشان يعلمك، لكن الآن تلاقى مشاجرات وخناقات». وأضاف أمين الفتوى بدار الإفتاء، خلال حلقة برنامج «فتاوى الناس»، المذاع على فضائية الناس، اليوم الخميس: «إحنا فقدنا قيمة عظيمة ولا يوجد الآن من يكلم أبنائه عشان يعلمهم يحترموا الكبير، بعض الأباء دلوقتى بيدخل البيت ياكل ويشرب ولا يعلم أبنائه قيم أخلاقية». وتابع: «لازم في البيت نعلم الأولاد احترام الكبير، لو الكبير بيتكلم نسمع، لما نلاقى كبير في الأتوبيس نقوم ونقعده، لكن دلوقتى الكبير بيتمسح بكرامته الأرض من الصغار، عشان مفيش تربية».