علق المخرج كريم العدل على الانتقادات الموجهة للفنانة منى زكي، بسبب مسلسلها «تحت الوصاية» بعد نشر البرومو والبوستر المبدئي الخاص به، حيث أذاع البعض أنها تُسىء للحجاب، بل ووصفتها إحدى المُتابعات بأنها مريضة. وأعاد المخرج كريم العدل نشر إحدى هذه التغريدات المُهاجمة للفنانة منى زكي، عبر حسابه الرسمي بموقع التواصل الاجتماعي «فيس بوك»، وعلق عليها قائلًا: «دي تويتة وقعت قصادي بالصدفة.. بس الموضوع ده غريب جدا والله». وتابع كريم العدل: «يعني أولًا الجمال ده شيء نسبي.. لو إنتي شايفة أن منى زكي كده وحشة، ف دي رؤيتك إنتي.. أنا ممكن أشوفها حلوة عادي.. هى يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش وأصلع، كانوا بيعملوا كده علشان عايزين يقولوا إن فيه فئة معينة شكلها وحش؟!! مش منطق أبدًا والله». كريم العدل يعلق على انتقادات «تحت الوصاية» ل منى زكي واستكمل كريم العدل في منشوره بشأن منى زكي: «ثانيًا، أنا حقيقي مش فاهم إيه علاقة التعليم بالموضوع عامة!!، ثالثًا، هل ده معناه إن كل المحجبات قمرات ومافيهومش ولا واحدة وحشة؟، مش منطقي.. وتاني نرجع نقول ده شيء نسبي يختلف من شخص للتاني!!». وأردف كريم العدل: «رابعًا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل.. أصلًا بقى!.. بجد الناس بقت بتحمل الفن والدراما فوق طاقته». واختتم كريم العدل منشوره قائلًا: «وبياخدوا كل حاجة بشكل شخصي جدًا.. وطول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة «السم في العسل».. استهدوا بالله كده يا جماعة بجد!».
