قدم الدكتور جمال شعبان، عميد معهد القلب الأسبق، الإجابة عن السؤال الذي يتكرر كثيرًا على ألسنة المتابعين حول ظاهرة الأزمات القلبية الفترة الأخيرة وكيفية اكتشافها ومساعدة من يتعرضون لها. وقال «شعبان»، الثلاثاء، عبر صفحته الرسمية ب«فيسبوك»: «سؤال بييجي لي كتير ليه الأزمات القلبية زادت؟ وازاي أعرفها؟وازاي أساعد اللي عنده ازمة قلبية؟». وأوضح أن الأزمات القلبية زادت لأسباب كتير: 1- التوترات والضغوط 2- ارتفاع ضغط الدم في سن صغيرة 3- ارتفاع السكر 4- عدم ممارسة الرياضة ولا المشي (مما أدي إلى ترهل الجسم وارتفاع نسبة الكوليسترول الضار) 5- نوعية الأكل غير الصحي والسمن الصناعي والمشروبات الغازية 6- التدخين 7- المسكنات بكثرة 8- المخدرات 9- المكملات الهورمونية دون شراف طبي 10- طبعا التاريخ العائلي الوراثي له دور كبير (فيها عائلات عندها استعداد لامراض تصلب الشرايين وازمات القلب). وتساءل عميد المعهد الأسبق: ازاي أعرف أن عندي أزمة قلبية ؟!، مؤكدا «مش لازم أستني لما قلبي يتعب، لازم الاكتشاف المبكر، اكتشاف الضغط بالقياس والسكر والكولسترول بالتحليل وضبطهم بالعلاج، الشعور بأي وجع في منطقة الصدر مش متعود عليه بيزيد مع المجهود سواء كان الوجع على شكل حموضة أو حرقان أو سكاكين بتقطع. وعن إسعاف المريض، وجه الدكتور جمال شعبان بضرورة تناول 4 أقراص اسبرين اطفال، أو 4 أقراص مضاد للصفائح بلافيكس، ولصقة نيترودرم ع الصدر، واستدعاء الإسعاف في حالة عدم سكون الوجع، منوها «لازم نتعلم إزاي نعمل تدليك للقلب علشان نسعف الشخص اللي عنده أزمة لو توقف قلبه، ولازم تهدوا اعصابكم الدنيا منفاتة».
