فتح إبراهيم حسن، مدير الكرة بالفريق الأول لكرة القدم بالنادي المصري البورسعيدي، النار ضد حكام مباراة الفريق البورسعيدي أمام الأهلي في بطولة الدوري الممتاز. وتعرض المصري للخسارة أمام الأهلي، بهدفين دون رد، في المباراة التي اقيمت بينهما مساء الأربعاء، ضمن مباريات الجولة الثلاثون من بطولة الدوري الممتاز. وقال إبراهيم حسن، في تصريحات تليفزيونية عبر فضائية «ام بي سي مصر»: «جلطات وعندنا جلطات سكر وعندنا سكر، هنعيش إزاي 100 سنة باللي يحصل معانا ده». وأضاف: «الهدف الذي أحرزناه في الأهلي ليس تسلل»، موضحًا: «عندما لعب أحمد حمودي، الكرة لم يكن هناك تسلل، واللي لعب الكرة بعد ذلك محمد عبدالمنعم مدافع الأهلي وليس مهاجم المصري». وأضاف: «الأهلي مش مستنيك إنك تجامله، النادي الأهلي مقالكش اظلم انت اللي بتظلم أنت عاوز تبقى ظالم»، مضيفًا: «الحكم اللي بياخد القرار الغلط سواء حكم فار أو حكم ساحة أو حكم راية، هو كدة بيظلم، أنت هتروح فين من ربنا». وتابع: «زي ما الأهلي عاوز يكسب بطولة الدوري وزي ما الزمالك عاوز يكسب بطولة الدوري النادي المصري عاوز يقعد في الدوري يس، ده أقل حقوق البشر، متبصش اللي عاوز يكسب بطولة بص للغلبان اللي عاوز يقعد في الدوري». ووجه إبراهيم حسن، رسالة للحكام قائلا: «اتقوا ربنا بقى.. الكرة في مصر بقت حاجة صعبة والرياضة بقت حاجة وحشة، احنا بنتعب». مضيفًا: «النادي الأهلي بيخسر دوري بايده ورجله، أنا تظلمني ليه! حسام حسن وجاهزه عندهم ضمير مبنامش بنشتغل ليل ونهار، وبنحفظ اللاعيبة وبنشيل البلاوي الزرقا بتاعة الناس اللي كانت موجودة قبلنا واحنا مالناش ذنب فيها».
