علقت الفنانة مها نصار بطلة مسلسل الملك، على الهجوم الذي حدث على السوشيال ميديا على المسلسل «الملك» بطولة عمرو يوسف، معبرة عن حزنها الشديد من قرار إيقاف تصوير المسلسل لحين تشكيل لجنة عاجلة من مجموعة من المتخصصين في التاريخ والآثار وعلوم الاجتماع لمشاهدة المسلسل ومراجعة السيناريو كاملا وإبداء الرأي بموضوعية ومهنية حتى لو ترتب على ذلك عدم عرضه في موسم رمضان القادم. ونشرت «مها» عبر«فيسبوك» وكتبت:« كلام الناس فوق راسي من فوق سواء بالسلب أو بالإيجاب، حقك تقول اللي انت عايزه بس علشان احترم كلامك لازم تكون بتتكلم صح وعن وعي ودا مبيتحققش غير بعد المشاهده الجيده للعمل..أنا حابه أوضح حاجه صغيره إحنا بنعمل عمل درامي مستوحي من التاريخ وليس فيلم وثائقي عن الملك أحمس والا كنا هنعمل اللي في التاريخ بالظبط». وأضافت :«ان الملك احمس اتجوز اخته لأن في العصر ده كان جواز الإخوات عادي ونطلع نتكلم هيروغليفي ..لاكن احنا بنعمل روايه اسمها كفاح طيبه للأديب العالمي نجيب محفوظ اللي قرأ الروايه هيفهم كلامي كويس..الأديب كان ليه رؤييه مختلفه من خياله ودكتور زاهي حواس في كلام سابق لما قرأ الروايه قال إنها مستوحاه من التاريخ وليست التاريخ.. فأنا مستغربه جدا لكلام دكتور زاهي حواس دلوقتي». موضحة: «مدام المخرج بيعمل روايه من خيال الكاتب ومستوحاه من التاريخ ودا طبعا مكتوب على المسلسل فمن حقه يبدع ليه نحصر الفن في دايره ضيقه ونلف فيها كلنا!!! التزمنا بالرواية ودا بيحصل في العالم كله ومش جديد أنه يضيف شخصيه جديده يغير شكل الممثلين يموت شخصيه يطلعنا بنطير هو حر ..ولو كنا صبرنا كنا هنلاقي الكلام دا على التتر...الفن للمتعه والحكم دايما بيبقي فيه للجمهور اللي احنا بتشتغل علشانه». واختتمت: «واحنا جمهورنا واعي كفايه انه يغير القناه لو حاجه معجبتهوش .وأنا بتحدي أي حد إنه بعد عرض الحلقه الأولى بس ..هيحصله انبهار وتشوق ومتعه وهيكمل المسلسل للآخر وهيحترم المجهود الضخم الواضح من كل صناع العمل علشان تبقي ناقد وأحترم كلامك وافهمه لازم تكون بتكتب كلام محترم وهادف افهم منه فين أخطائي وأصلحها وتضيفلي شيء جديد، ودا مبيحصلش غير بعد مشاهده العمل وفي الحاله دي بس لازم اسمعلك لانك هتضفلي شيء، أنا فخوره جدا اني اشتغلت في مسلسل الملك». مسلسل «الملك» قصة نجيب محفوظ، سيناريو وحوار خالد دياب وشيرين دياب، إخراج حسين المنباوي، وموسيقى خالد حماد، بطولة عمرو يوسف، صبا مبارك، ريم مصطفى وماجد المصري. يأتي ذلك بعد قرار المنتج تامر مرسي، إيقاف تصوير مسلسل «الملك»، الذي كان مقررًا عرضه ضمن المائدة الرمضانية الأسبوع المقبل، بعد سيل من الانتقادات التي نالت البرومو الرسمي للعمل كونه يتناول قصة «الملك أحمس»، عن رواية «كفاح طيبة» للأديب نجيب محفوظ، من بطولة عمرو يوسف، صبا مبارك، سوسن بدر، ماجد المصرى، محمد علاء، ريم مصطفى، محمد لطفي، أمير صلاح، وباسل الزارو، معتز هشام، وآخرين، وتأليف خالد وشيرين دياب، وإخراج حسين المنباوي. كلام الناس فوق راسي من فوق سواء بالسلب أو بالإيجاب حقك تقول اللي انت عايزه بس علشان احترم كلامك لازم تكون بتتكلم صح وعن... تم النشر بواسطة Maha Nassar في الاثنين، 5 أبريل 2021
