عايز تحرم شعب جميل.. حقه الشرعى فى نهر النيل/ دى مطامع ولا دى قسوة.. ولا ضغوط ومعاها بتميل/ موقع مصر دا سر إلهى.. جايله النهر بيجرى يسيل/ نهر النيل دا روح وحياة.. هبة المولى ولينا تذليل/ عايز تسد الميه علينا؟!.. وتمنع ريح والهوا تحويل/ عايز تبنى سدود فى بلدك.. تحرم أخوك من حق أصيل/ وتنسى جمايل مصر عليك.. تاريخنا يقولك فيها تحليل/ دا الخط الأحمر نيل وكرامة.. من عهد جدودنا ليه تبجيل/ مصر عظيمة وشعب كبير.. حصتنا تزيد ومش تقليل/ عدو بيفتح باب للشر.. عايز لمجرى النيل تعديل/ عايز يفرق بين شعوب.. إغراء وخداع كدب وتهويل/ أفريقيا عايزها تبقى حروب.. يبيع سلاح ويبنى عميل/ ربنا راعى مصر صاينها.. مكان ومكانة ما ليها مثيل. سوهاج - طهطا - عرب بخواج