لحظة فشل بقلم : محمد الألفي ----------------------- بعد ما عاش الأمل فيا سنين .. وسنين وف لحظة فشل كتبها الزمن ع الجبين خرج الأمل من جوايا ينوح ويصرخ زي المساكين يسأل وسؤالو من غير جواب يبكي ودموعو هي العذاب أصل الأمل مصدوم يا ولداه مكنش يعرف إنه من المساجين أنا عارف إنك حزين على حالك وأنا زيك حزين لا عمري دقت الفشل ولا عرفت له طعم ولا عمري عشت في ملل ولليأس كنت طُعم بس النهارده حسيت بمره جوا العين وركعت مهزوم والحمل زاد على الكتفين سكن الألم حشايا وزاد البكى جوايا وحيرتي بقة رفيقتي ومعايا ومفيش هروب م القدر حكمه وقلوها من سنين إللي إنكتب ع الجبين لازم تشوفه العين متفارقش الروح يا أمل وخليني أعيش لو كل نهايه كانت لحظة فشل الكون ده كله مفيش مد إيدك و إقتل اليأس إللي عاش فيا وتعالى نوَّر بصيرتي وإسكُن عنيا حط إيدك في إيديا وبكره الفرح يجي عليك وعليا ولو الحياه متعقده والعقده مربوطه بشده رخي شويه الشده ومترمنيش للفشل هديا