سألوني ليه بقلم : محمد الألفي -------------------------------- سألوني ليه .. وعلى إيه بتحبها رديت وقلت قلبي إللي غاوي عشقها غاوي يعيش العمر كله في قربها أما عقلي ف قللي راحتك في بعدها إنك تعود وقت ما تشتقلها وقت ما الدنيا تضيق وتحتجلها يمكن سعتها تحنلك تتشدلك أو تحضنك ما إنت إللي عمرك من عمرها وواجب عليها تخدك في حضنها وأنا وقتها إحترت وقلت يارتني ما فكرت ما أنا كنت عايش وراضي بهجرها وعمري ما عقلي قللي إبعد عنها أكيد قسوتها عليا بدأت تبان ما العقل ما يفكرشي إلا لو كان حيران والقلب وما يقررشي إلا وقت ما يبقى تعبان وأكيد القلب مش حاسس بأي أمان والعقل طار وبقى طفشان والعمر تايه في وسط الزحمه مكسور عايش في ضلمه ومش عاوز يشوف النور بيرسم خطاوي مبنيه من الأحزان والحزن سجان وسجنه بلا قضبان لاأنا حزين ولا زعلان ولا منك يا حبيبتي قلقان دا حلمي إني أفديكي أنا وعمري وقلبي وعقلي نعيش الدهر ليكي وأفضل كدا خدام لتراب رجليكي تؤمريني وأجاوبك ما أنا بعشق عنيكي وأشوفك هوايا .. ودوايا وعمري إللي جي أعيشه فيكي و ضيِّك مفيش غيره يملى عنيا لو عُزتي نورهم .. خديهم بس خلِّيني أخطِّي بيكي